鞍下熟成肉

營業中

休息中

2024年第一餐晚餐book咗呢間「鞍下熟成肉」食燒肉，menu寫住都幾多嘢食，不過我覺得唯一好處係有人幫我燒唔洗自己攪。我哋揀咗premium course ，佢哋會先上龍蝦湯，味道ok嘅，不過好似同整個餐單唔係好係好關事😅，跟住有兩道冷盤「壽喜燒風和牛他他配牛奶白吐司」 & 「48小時慢烤A5和牛配洋蔥醬」，第一道菜味道偏淡，第二道菜洋蔥醬比較濃，慢烤A5和牛無乜味（包括香味都無）。跟住薄切牛舌好食！好嫩又香，不錯👍🏻。接住就係「薄切赤身配柚子醋蘿蔔蓉」赤身肉比較香，配柚子醋好開胃，不過我自己就覺得如果呢個柚子醋係同洋蔥醬對調會比較適合。其他款式嘅肉都有正常發揮，除咗「幻の部位 - BMS12牛柳扒 配 牛油蒜片醬油」，侍應好用心去處理，但係味道偏鹹，其實唔關個侍應事，主要係關設計菜單嘅人，因為個牛油蒜片醬油係循環加熱用，個汁就只會越來越濃味，所以鹹就係必然，希望佢哋發現到呢個問題，盡快處理。