中意仿

營業中

休息中

餸菜越來越細碟， 連午餐時段都硬銷貴價菜式， 真係幾厭惡上星期六一家大細打算去食個輕鬆午餐， 打電話訂好位， 12：30到. 各人叫左set , 首先個雞腳湯幾咸, 仲有d微酸潻….. 主菜的大豆芽炸菜炒牛脷, 炸菜仔肯定少於10條，枝竹牛腩, 枝竹及牛腩各3小件, 其地的滑蛋牛肉, 燴牛尾, 肉茉茄子不過不失. 吾要跟白飯可以要粥, 但個紅荳薏米粥, 無落過盬都食到咸咸的…….到甜品時間, 吾知係咪以為客人好熟悉佢地店咁, 待應捧左一大盤各式甜品, 無好似以前咁遂樣介紹, 要客人遂款問待應至答…… 食到1：35 ， 我地剛放下甜品匙更傾計時， 有個侍應一聲不響， 放下單據， 我地無理佢， 佢繼續企係度。 我望一望佢， 想問佢等什麼？ 佢竟然好輕佻咁叫我地”拍硬檔”埋左張單佢， 我地完全無叫過人埋單或有意圖走住, 我地立即望望係咪有人等位， 阻住其他客人， 但門口無客人等位， 四周仍有空檯。 我地好怒， 問佢拍乜硬檔? 侍應好兇猛反問我: 你地訂位時， 我同事無同我地講一小時交檯咩？ 我話無， 咁佢好悔氣話對晤住啦！ 哎！ 我地無晒心情，埋單走人， 果個侍應再無行回我地附近。