The House of Layers

行過尖沙咀，發現香檳大廈開左一間來自馬來西亞的蛋糕小店，主打多款不同口味的千層蛋糕。小店嘅蛋糕同我地平時食開嘅賣相唔同，我同朋友都未食過，當然要把握機會去試下啦！

我地各自揀左斑蘭同白咖啡味，兩隻都是馬來西亞的特色口味。蛋糕價錢雖然有點少貴，不過間中試下新野都不失為過。小店設有少量坐位可供堂食，牆上仲有貓貓壁畫比大家打卡。

📌斑蘭味千層蛋糕
講到馬來西亞風味，當然唔少得東南亞地區的特產班蘭葉啦！切開千層蛋糕，淺綠色的班蘭和啡色蛋糕層層交織，食落口感結實綿密，仲帶有淡淡的斑蘭清香，味道唔錯。

📌白咖啡千層蛋糕
相比起班蘭口味，白咖啡蛋糕的甜度相對較低，而且入口食到幾香嘅白咖啡味，岩哂平時唔食太甜的朋友仔。