影片
更多
2021-08-03
200 瀏覽
今個星期放大假，平時就可能已經飛咗去旅行，而家冇得旅行，就唯有自己尋找下旅行嘅感覺。小白鷺重開之後， 一直以為只有西餐嘅地方，原來佢側邊仲有一個飲中茶嘅地方，好舒服，好Cozy，好似去咗hightea咁。平日朝頭早11點幾，未到12點，都仲有幾張枱剩， 多人嚟嘅話建議book下枱，費事山長水遠嚟到無位啦。點心有兩版紙，佢此之外仲可以單點涼菜，炒粉麵飯，小食，肉葷，海鮮等等。我哋兩個人，叫咗香片鐵觀音，幾份點心，一路傾偈一路食，望住出面個湖，其實你話喺奧地利湖邊，感覺都係差唔多。呢排仲開咗水上活動中心，有好似綜藝節目嘅水上樂園，好似好正咁。雪山竹炭叉燒餐包， $62，朋友話皮薄餡靚啱晒形容佢，因為一咬就已經食到滿滿嘅叉燒，好軟熟，叉燒又好香，仲好多醬好Juicy。鮑魚珍菌千層酥，$38/件， 嘩係原隻嘅鮑魚， 近呢一年嚟，去high T都係食西餐，好耐冇食過靚嘅中茶點心，鮑魚好軟熟，下面個酥皮盒，裝滿左菇，但係個酥皮盒又冇因為咁而濕晒，好好食。呢一個係鵪鶉蛋燒賣$78，本來諗住應該同出面街坊酒樓食嘅差唔多樣， 我實在係睇少咗呢度嘅廚房，佢啦鵪鶉蛋係得燒賣嘅中間，侍應姐姐擺低嘅時候仲特登同
今個星期放大假，平時就可能已經飛咗去旅行，而家冇得旅行，就唯有自己尋找下旅行嘅感覺。
小白鷺重開之後， 一直以為只有西餐嘅地方，原來佢側邊仲有一個飲中茶嘅地方，好舒服，好Cozy，好似去咗hightea咁。
平日朝頭早11點幾，未到12點，都仲有幾張枱剩， 多人嚟嘅話建議book下枱，費事山長水遠嚟到無位啦。點心有兩版紙，佢此之外仲可以單點涼菜，炒粉麵飯，小食，肉葷，海鮮等等。
我哋兩個人，叫咗香片鐵觀音，幾份點心，一路傾偈一路食，望住出面個湖，其實你話喺奧地利湖邊，感覺都係差唔多。呢排仲開咗水上活動中心，有好似綜藝節目嘅水上樂園，好似好正咁。
雪山竹炭叉燒餐包， $62，朋友話皮薄餡靚啱晒形容佢，因為一咬就已經食到滿滿嘅叉燒，好軟熟，叉燒又好香，仲好多醬好Juicy。
鮑魚珍菌千層酥，$38/件， 嘩係原隻嘅鮑魚， 近呢一年嚟，去high T都係食西餐，好耐冇食過靚嘅中茶點心，鮑魚好軟熟，下面個酥皮盒，裝滿左菇，但係個酥皮盒又冇因為咁而濕晒，好好食。
呢一個係鵪鶉蛋燒賣$78，本來諗住應該同出面街坊酒樓食嘅差唔多樣， 我實在係睇少咗呢度嘅廚房，佢啦鵪鶉蛋係得燒賣嘅中間，侍應姐姐擺低嘅時候仲特登同我講，等我唔好誤會送錯菜。 我冇特別留意點心紙，原來粒蛋係 流！心！架！ 有冇搞錯，完全顛覆晒我對鵪鶉蛋燒賣嘅印象， 叫我食完呢一粒，我仲點樣可以去食出邊嘅😭🤤。
蜜餞欖角脆香骨 $168， 酸酸甜甜，每一件都好有肉地，都比醬汁包到滿滿的，舊豬肉係有炸過嘅， 所以食落好趣口，又好開胃，食完一舊又一舊，好食到唔夠食咁。
呢度每一台中間都好有距離，傾偈唔怕比隔離聽到，好舒服好有空間感，服務都好好，姐姐又不停咁幫我哋斟茶，我哋淨係傾偈同食。
張貼
