影片
更多
2023-04-21
52 瀏覽
💡來一敞法日Fine Dining之旅近期小編最推介的一間餐廳，「Amis」主打法日Fusion菜，室外以白色外墙簡約設計，室內設計極富現代感，柔和嘅燈光，好有情調，而且食物勁有驚喜，每一樣食物擺盤都好精緻，睇得出餐廳好用心去鑽研每一道菜❤️Amis Tasting Menu - 9 courses $1680pp🍽 自家製牛油及餐前麵包🥖平時食開餐前麵包都唔覺有咩特別，但呢到有朱古力味酸種麵包，好特別，本身就咁食已經覺得好好味，再配埋home-made低溫慢煮焦糖牛油，更能突出朱古力嘅香味。🍽AMUSE BOUCHE🦑呢個Starter真係無得輸，好ig-able，係一道開胃前菜，用上日本的瑩光魷魚，加埋柚子醬，好開胃。鵝肝慕絲配上無花果醬，第一啖食落口好驚喜，香口濃郁而不膩，好重鵝肝味。另外係日本里芋暖湯，加入白松露油，好有回甘味。🍽Tomato Consomme🍅開頭仲諗住緊係咩黎，以為係茶，原來呢個係蕃茄湯，聽店員講係用上好多個蕃茄的份量先可以熬出呢種濃郁，估唔到望落顏色咁淺色，飲落係咁濃味。🍽BOTAN EBI TATAKI | CAVIAR🦐日本牡丹蝦他他配上日本大根，再配埋
近期小編最推介的一間餐廳，「Amis」主打法日Fusion菜，室外以白色外墙簡約設計，室內設計極富現代感，柔和嘅燈光，好有情調，而且食物勁有驚喜，每一樣食物擺盤都好精緻，睇得出餐廳好用心去鑽研每一道菜❤️
Amis Tasting Menu - 9 courses $1680pp
🍽 自家製牛油及餐前麵包🥖
平時食開餐前麵包都唔覺有咩特別，但呢到有朱古力味酸種麵包，好特別，本身就咁食已經覺得好好味，再配埋home-made低溫慢煮焦糖牛油，更能突出朱古力嘅香味。
🍽AMUSE BOUCHE🦑
呢個Starter真係無得輸，好ig-able，係一道開胃前菜，用上日本的瑩光魷魚，加埋柚子醬，好開胃。鵝肝慕絲配上無花果醬，第一啖食落口好驚喜，香口濃郁而不膩，好重鵝肝味。另外係日本里芋暖湯，加入白松露油，好有回甘味。
🍽Tomato Consomme🍅
開頭仲諗住緊係咩黎，以為係茶，原來呢個係蕃茄湯，聽店員講係用上好多個蕃茄的份量先可以熬出呢種濃郁，估唔到望落顏色咁淺色，飲落係咁濃味。
🍽BOTAN EBI TATAKI | CAVIAR🦐
日本牡丹蝦他他配上日本大根，再配埋最愛的魚子醬，而旁邊係白色松露粉末同龍蝦醬，右埋綠色嘅開心果粉，整個口味好豐富。
🍽White Asparagus Truffle🥦
白蘆筍配黃芥末，最特別係店員會係你面前刨新鮮嘅松露，好香松露嘅香味，而蘆筍清甜爽脆。
🍽Awabi Tagliolini🍝
呢個係一道以磯煮鮑魚，以鰹魚清湯熬製。而扁意粉是由廚師每日新鮮製造，麵條帶點硬身。意粉完全吸收晒所有鰹魚湯同鮑魚精華，極之濃郁，出色 !
🍽French Morel Mushroom🍄
羊肚菌內匯入了雞肉慕絲，睇得出廚師係對食物要求有幾高。羊肚菌好軟淋且味道好濃郁，配上松露醬，味道很夾。
🍽Remy Martin Lobster Soup
好特別嘅龍蝦湯🦞會係你面前噴上Remy Martin嘅酒，啖啖酒香味。龍蝦肉鮮甜爽彈，湯底質感濃稠，味道濃郁。
🅼🅰🅸🅽
🍽DUO OF BEEF🥩
用上鹿兒島A4和牛，叫左medium rare，油脂豐富，入口即溶。旁邊有羊肚菌醬、黑椒醬同鮮磨芥末醬。加上醬汁後，令味道更加提升。另外仲有慢煮牛面頰肉，口感好軟腍，牛味亦較重。
🍽RED PRAWN SPAGHETTI TWO WAYS +$350
紅蝦兩食，分別有紅蝦他他同埋紅蝦意粉，甜鮮香口，蝦肉口感好爽彈。意粉好彈牙，充滿蝦香。
🍽甜品𝐃𝐄𝐒𝐒𝐄𝐑𝐓 𝐃𝐄 𝐂𝐇𝐄𝐅
估唔到甜品擺盤係咁靚，用上以蜜糖為主的甜品，甜而不膩，季節水果用上清甜蜜瓜、火龍果及香印提子
ps/整體嚟講，性價比好高，環境好靚，店員每上一道菜都詳細去介紹，完全係好難忘，值得再去！
張貼
