烏蠅館 (已搬遷) 新店位置

約咗舊同事食飯，兩個人都嗜辣，同事帶我嚟位於亞士厘道嘅烏蠅館。餐牌上嘅烤魚相當吸引，一共有六款口味，今日就試下麻辣烤魚，我哋揀咗三刀魚 ($288)。一上枱已經香氣撲鼻，烤魚上鋪滿辣椒乾、花椒、芝麻、青蔥……等等各式各樣嘅香料，賣相相當吸引。三刀魚魚肉厚身，而且相當少骨，食落又香又麻又辣，相當惹味。除咗大量香料外，仲有三款素菜，萵筍、雲耳、蘿蔔，又爽口又有惹味。豆腐 ($28) - 豆味香濃，索左湯底味道後又滑又麻辣。出前一丁 ($28) - 卷曲嘅麵條比烏冬更加掛湯，嗜辣飽肚之選。呢餐烤魚相當惹味，我哋食得好滿意！