影片
更多
2024-10-05
1127 瀏覽
《佐賀燒肉谷 - 旺角》近期天氣涼涼地，最適合就係打下邊爐同食燒烤啦😆但係人大咗真係喜歡坐享其成🤭與其自己搞，不如出去餐廳食🤣今次就去咗旺角雅蘭中心嗰度嘅佐賀燒肉谷食燒肉放題佢有不同嘅套餐可以選擇，今次我同朋友揀咗日本佐賀A4和牛放題套餐 (原價$658，早割或宵夜時段$618)，呢個套餐可以任食六款日本佐賀A4和牛外，仲有140款食品可以俾你慢慢選擇，出邊自助吧有熱食、蔬菜、沙律、甜品、自助雪糕機、飲品等都係任食㗎🫣而最近仲推出咗水果夏祭添，Lv3嘅套餐或以上就可以優先試吓水果夏祭既菜式，放題一共有120分鐘俾你慢慢燒慢慢食，時間十分充裕😏如果想飲酒嘅話只需人均加$38就可以升級任飲生啤添由於太多嘢食嘅關係，我揀咗啲重點推介嘅食品可以介紹一下大家：💁🏻♀️佐賀A4和牛肩胛基本上食得呢一個放題就當然任食所有嘅日本和牛啦，六款入面我就最鍾意呢一個和牛肩胛，油花最充足而且厚度適中，每邊燒1分鐘大約微微焦脆就可以點少少岩鹽食，油花十足而且十分香口🫶🏻 encore咗好多次啊🥰💁🏻♀️佐賀A4和牛小排第二款可以推介嘅係呢款牛小排，其實呢一款比起和牛肩胛更加肥美，但係佢就相對油膩一點，食幾塊都可
近期天氣涼涼地，最適合就係打下邊爐同食燒烤啦😆但係人大咗真係喜歡坐享其成🤭與其自己搞，不如出去餐廳食🤣今次就去咗旺角雅蘭中心嗰度嘅佐賀燒肉谷食燒肉放題
佢有不同嘅套餐可以選擇，今次我同朋友揀咗日本佐賀A4和牛放題套餐 (原價$658，早割或宵夜時段$618)，呢個套餐可以任食六款日本佐賀A4和牛外，仲有140款食品可以俾你慢慢選擇，出邊自助吧有熱食、蔬菜、沙律、甜品、自助雪糕機、飲品等都係任食㗎🫣
而最近仲推出咗水果夏祭添，Lv3嘅套餐或以上就可以優先試吓水果夏祭既菜式，放題一共有120分鐘俾你慢慢燒慢慢食，時間十分充裕😏如果想飲酒嘅話只需人均加$38就可以升級任飲生啤添
由於太多嘢食嘅關係，我揀咗啲重點推介嘅食品可以介紹一下大家：💁🏻♀️佐賀A4和牛肩胛
基本上食得呢一個放題就當然任食所有嘅日本和牛啦，六款入面我就最鍾意呢一個和牛肩胛，油花最充足而且厚度適中，每邊燒1分鐘大約微微焦脆就可以點少少岩鹽食，油花十足而且十分香口🫶🏻 encore咗好多次啊🥰💁🏻♀️佐賀A4和牛小排
第二款可以推介嘅係呢款牛小排，其實呢一款比起和牛肩胛更加肥美，但係佢就相對油膩一點，食幾塊都可以，但係要瘋狂食佢就好快會打爆自己😂所以可以考慮點麵豉汁再包生菜食👍🏻鍾意食油香嘅會鍾意呢一款牛肉💁🏻♀️究極佐賀和牛三角嫩肌
肉質比較軟嫩，同樣係肥美油香嘅代表，但係呢一款入口即溶嘅牛肉同樣都唔可以食太多件😂個人覺得如果偏向喜歡油花嘅會喜歡牛三角嫩肌同牛小排多啲，但係我就覺得和牛肩胛相對會重肉味少少，唔會剩係得油香，整體balance好啲，不過鍾意食軟嫩和牛肉的話一定喜歡呢一個💁🏻♀️雜果醬封門柳壺漬
呢一個雜果醬封門柳係季節限定嘅食品，封門柳用水果醬醃製過後肉質比較嫩滑，燒嘅時候聞到好香嘅果蓉味，食落唔會韌同埋好有肉汁，味道都唔錯，可以一試💁🏻♀️各款海鮮食品
我哋嘅套餐入面有好多款海鮮可以選擇，例如鮑魚、青口、原隻燒生蠔、牛油生蠔等等都值得一試，重點係其實都幾大隻，店員見我哋燒海鮮都會主動過嚟幫吓手剪開啲貝殼類，方便我哋燒熟同埋進食，呢一點好加分🫶🏻所以我哋當晚都叫咗不少海鮮，坐住喺度等食嘅感覺真係爽💁🏻♀️任食翠玉瓜、菠蘿、雞髀菇
由於我哋當日食咗好多和牛肉，食到咁上下真係會有啲油膩感，所以燒返啲蔬菜中和一下個感覺係1必須的，我個人推介翠玉瓜同雞髀菇，兩款都係擺喺旁邊得閒反下佢，等佢淋咗就食得㗎啦，配返少少蒜蓉汁其實好好味，實不相瞞🫢當晚我食咗好多翠玉瓜🤣另外一樣就係燒菠蘿啦，微微兩邊燒一至兩分鐘，等佢焦糖化就已經食得😏必食💁🏻♀️燒肉谷紫菜飯
🤭點解會特登呢個呢，就係因為佢呢一個飯其實就咁食都已經好好味，佢除咗紫菜之外仲有木魚花、櫻花蝦、七彩芝麻等調味料可以俾你調製個紫菜飯，食和牛燒肉我覺得點都要配少少飯嘅🤫隱藏推介，可以再喺自助Menu入面點返個雞蛋配個飯添🤭呢個飯食兩碗都冇問題呀
最後最後，埋單嘅時候記住要同店員拎Movenpick雪糕，當日嘅口味有雲呢拿、朱古力、咖啡、士多啤梨等口味，記住唔好唔記得呀，蝕㗎🥴
張貼
