泰泰

營業中

休息中

相約幾位好姊妹食晚飯，朋友一早訂了枱，這家佐敦新開的泰泰，顧名思義食泰國菜，當然先來泰式活蝦刺身，加上泰式青醬鮮甜醒胃。有別一般店子，廚師將蝦頭炸脆，不單擺盤靚，入口香脆，頗有心思。黃金入球，名字趣緻，原來是用新鮮墨魚滑包著鹹蛋黃蓉再炸至金黃色，切開後造型看似熟蛋，入口外脆內爽彈，加淡淡鹹蛋香，好味喔。目測隔離枱的原隻椰青海鮮冬蔭功很吸引，可惜早利亞吃辣的程度一般，店員提議泰式椰汁雞湯，果然微辣中椰香突出又有雞肉甜味，不錯。泰式青檸燒牛肉，青檸醬汁酸酸辣辣的，牛肉嫩滑，滿口充滿香濃牛肉味，就算早利亞幅相聚焦不當都要比大家睇下牛肉幾粉嫰。半隻泰式海南雞份量不少，雞肉亦相當嫩滑。早利亞覺得泰式粉絲蝦石鍋主角是粉絲，吸盡大蝦精華，口感爽滑，搶了大蝦的風頭。還有清邁酸辣飛天羅非魚及皇牌咖哩炒蟹，配即烤泰式烤酥餅蘸醬汁一流。6人點了8道菜，再加甜品蝶豆花糕、菠蘿糕、椰青糕及芒果糯米飯，好滿足。這晚食得很舒服，店員殷勤友善，食物味道恰到好處，性價比高，過了很開心的一晚。