Pizza Max Bistro

營業中

休息中

佐敦好多印度餐廳都好有特色，今日揀選咗呢一間，好彩冇令我失望😬墨西哥脆片$115~香脆脆片配上芝士碎拎去焗再加上牛油果醬、酸忌廉醬、莎莎醬等等。。酸酸脆脆咁，夠曬開胃，最啱做前菜！雞肉卡巴$105~將已經烤過嘅雞肉粒、蕃茄、菜、帶香辣味嘅醬汁.... 通通卷進麵餅，咬起來口感非常豐富，非常滿足！配上較為幼身嘅薯條，每一條都香香脆脆。椰汁咖哩大蝦$120及蒜蓉烤餅$30~大蝦非常新鮮彈牙，尺寸亦頗大，而咖哩汁偏向甜口，用嚟搭配上蒜蓉烤餅，一啖一口，真係非常過癮！其實每個餐點份量都非常大！特別係雞肉卡巴，真係手臂咁粗😂好抵食！