Hot Pot 熱‧海鮮火鍋私房菜 (已結業)

佐敦人氣火鍋私房菜💓早幾日去左佐敦食呢間火鍋私房菜，本身係想打邊爐，但望完個菜單就比佢既私房菜菜式吸引咗🤔所以我同男朋友都決定今次試試佢既私房菜先😛.『七味金磚豆腐』外皮酥脆內裡軟滑，豆味香濃👍『黃金酥炸桶蠔』每隻蠔都好巨型，炸得熱辣辣，食完大滿足😛『炸乳鴿』店員推薦既，就叫左一隻試下。同樣係即炸，皮薄！多肉汁😋『明太子雞翼』每隻雞翼同樣都大隻，明太子內餡填滿晒每一隻雞翼，好足料👍『黑松露豚肉炒飯』黑松露味好香，炒飯好大碟🌞而且夠鑊氣！我同男朋友每人都食咗三碗，都係食唔哂😂.今次我地就食左呢度嘅私房菜先😌下次就試埋呢到既火鍋💪呢到除咗啲菜式好好食！環境亦都好闊落，有提供VIP房，可以一路打邊爐食飯，唱K，成班朋友嚟食一定夠晒熱鬧😆店內仲有好多打卡位，例如掛起個天花板嘅蜘蛛俠🕷，仲有門口位有一個大嘅鳥籠～我會再黎食架☺️.Hot Pot 熱‧海鮮火鍋私房菜 (佐敦)佐敦佐敦道23號新寶廣場5樓