影片
更多
2025-07-16
229 瀏覽
為食火鍋公司好朋友搵到新工喺觀塘返工，所以打個邊爐慶祝吓，嚟咗呢間為食火鍋公司，試吓佢哋個「冇限時火鍋盛宴」。好似打機咁，要一round一round咁過。🥊ROUND 1 餐前小食餐前小食選擇非常豐富，甜蕃薯條甜度適中，開胃又比薯條健康。唐揚脆炸雞保持外皮嘅酥脆，肉質鮮嫩。蟹籽沙律味道清新，非常消暑。酸甜炸大腸味道香濃。鮑汁雞腳鮑汁味突出，風味濃郁。🥊ROUND 2 前菜三點刺身盛合三點刺身盛合，三文魚刺身鮮美，油脂豐富。甜蝦鮮甜彈牙，而北寄貝刺身新鮮有嚼勁，刺身質量相當高。🥊ROUND 3 頭盤任食寵寵雞煲我哋揀咗BB辣，口味剛好適中，雞肉鮮嫩多汁，加入芫茜，蒜頭，洋蔥，辣椒等提味，我哋每兩分鐘抄一抄令雞肉更入味，好味到我見格離枱食都食咗兩煲。🥊ROUND 4火鍋盛宴我哋揀咗藥膳高湯牛尾湯作為火鍋湯底，打算襯機養吓身，湯底香氣撲鼻，牛尾，紅棗，同各種中藥配料非常配合。海鮮拼盤有鮮蝦、蜆、元貝、脆肉鯇同白鱔片，口感各有千秋，新鮮度無可挑剔。特級牛頸脊同美國Prime牛胸腹肉，肉質鮮美，入口即融。紐西蘭羊卷肉風味出色，而且唔油膩，我哋都要encore。蔬菜嘅選擇多，今我哋試咗雞髀菇、田園
好朋友搵到新工喺觀塘返工，所以打個邊爐慶祝吓，嚟咗呢間為食火鍋公司，試吓佢哋個「冇限時火鍋盛宴」。好似打機咁，要一round一round咁過。
🥊ROUND 1 餐前小食
餐前小食選擇非常豐富，甜蕃薯條甜度適中，開胃又比薯條健康。唐揚脆炸雞保持外皮嘅酥脆，肉質鮮嫩。蟹籽沙律味道清新，非常消暑。酸甜炸大腸味道香濃。鮑汁雞腳鮑汁味突出，風味濃郁。
🥊ROUND 2 前菜三點刺身盛合
三點刺身盛合，三文魚刺身鮮美，油脂豐富。甜蝦鮮甜彈牙，而北寄貝刺身新鮮有嚼勁，刺身質量相當高。
🥊ROUND 3 頭盤
任食寵寵雞煲我哋揀咗BB辣，口味剛好適中，雞肉鮮嫩多汁，加入芫茜，蒜頭，洋蔥，辣椒等提味，我哋每兩分鐘抄一抄令雞肉更入味，好味到我見格離枱食都食咗兩煲。
🥊ROUND 4火鍋盛宴
我哋揀咗藥膳高湯牛尾湯作為火鍋湯底，打算襯機養吓身，湯底香氣撲鼻，牛尾，紅棗，同各種中藥配料非常配合。
海鮮拼盤有鮮蝦、蜆、元貝、脆肉鯇同白鱔片，口感各有千秋，新鮮度無可挑剔。
特級牛頸脊同美國Prime牛胸腹肉，肉質鮮美，入口即融。紐西蘭羊卷肉風味出色，而且唔油膩，我哋都要encore。
蔬菜嘅選擇多，今我哋試咗雞髀菇、田園蔬菜、萵筍，加隻雞蛋，為火鍋增添多樣性，豐富滿足！
張貼
