L.D.K. by Ufufu Café (新城市廣場) (已結業)

低質。首先，我同太太兩位，佢安排我哋坐正係入口登記枱隔來...基本上坐咗出店外面，坐咗係一班等枱嘅客中間食。我知道係多人食（不過食完就唔明點解佢會有咁多人食），但其實都唔淨得嗰一張枱，佢哋公司又好意思俾你坐係出入口...坐低，水都冇杯...算，睇餐牌，叫咗四樣：1）肉汁旦包飯2）鐵板漢堡扒3）跟個扒加30HKD 有個酥皮粟米湯4）一客炸雞翼請留意，我知佢漏單定咩，佢上菜嘅次序如上，即係食咗個飯，吞咗個扒，佢來碗湯（我提佢先上），再來個雞翼...旦包飯：個飯凍嘅，肉汁稀，份量少，講完。漢堡扒：我同太太一致認為食花園餐廳好過。賣相差，配菜好似唔覺意跌咗落去塊鐵板度，塊鐵板唔夠熱，塊漢堡扒唔熟，咬開入面食唔到肉味，一陣生粉口感...酥皮湯：酥皮都唔知有冇焗過，塊皮仲生嘅，除咗個頂有啲啡色，全塊都仲係白色。個湯先犀利，稀過水！隨咗有粟米係入面，我都唔會知佢係粟米湯！雞翼：係全晚全熱嘅一道菜，但衰過中學小賣部啲雞翼。冇醃過，炸完落啲唔知咩汁...點解唔知？係因為好油！咬落去淨食到油味！我真係唔會再來，亦都唔希望再有咁人等成侽口鐘入去食啲咁嘅垃圾。