C2 Lab

營業中

休息中

野食一流，佈置新穎，一入到去，佢以廁所白色瓷磚佈置為主，俾人一種舒服同埋新穎嘅感覺，而佢用既枱，以吧枱為多，嘢食方面，種類都繁多，主要係意粉類同埋肉類為主，另外仲有甜品俾你揀，而飲品類，就酒類比較多啲，但如果唔飲酒都有啲咖啡或者mocktail ，果晚我哋叫左幾個餸，我都覺得唔錯，首先講下，佢個紐西蘭鑽石蜆，每一隻蜆都好鮮甜而且又大隻，加上佢個汁又調得好好，之後油甘魚配柚子醋，油甘魚肥美配埋柚子醋，酸酸地非常開胃，主菜方面，美國十成豬鞍 配bbq sauce，豬鞍煮得冧，唔會太過韌，肉質夠哂嫰滑，而且舊舊都好厚肉，非常飽肚，配埋佢嗰個bbq sauce點黎食，簡直very good最後講埋佢個甜品，榛子朱古力醬煙燻杯，首先唔好講個甜品好唔好食，淨係佢個外型已經好好睇打卡一流，一開頭佢用過蓋冚住，一打開就會釋放啲煙出嚟，美感十足，味道方面，唔會太過甜，再加埋有我最鍾意嘅榛子醬，食完一啖又想再食一啖，非常好食，整體來講呢間餐廳，嘢食好食之餘又有足夠嘅美感，餐廳佈置亦非常新潮，啱晒情侶同一家大細嚟食。