豬扒好淋又多汁，味道似叉燒嘅蜜糖味， 本身覺得有驚喜有幾好食，唯獨係豬扒冇翻熱，冇咩溫度。湯麵普普通通。
川味口水雞翼菜飯
放凍咗嘅雞翼淋上川味口水汁，食落去偏辣，冇咩麻嘅感覺，菜飯亦都普通。
紅油韮菜餃
普通韭菜餃淋上辣汁，其實都幾好食，不過又係放耐咗冇翻熱。
堅信號生煎包
另一樣我會想喺度食嘅就係生煎包，皮雖然厚左啲，但係煎得夠脆，而且真係會爆汁，作為佢嘅主打其實都ok。
堅揪小籠包&蟹粉小籠包
正常質素，多肉多汁，係熱辣辣嘅。蟹粉小籠包有多少少蟹粉喺上面，食落去同普通小籠包其實差唔多。
豬扒同生煎包其實都唔錯，但係其他款式需要改善，尤其係食物保溫方面要考慮一下。
1
