堅信號上海生煎皇 (愛定商場(H.A.N.D.S) A區)

營業中

休息中

因為嗌外賣平台 好貴。就諗住去堂食，同埋生煎包堂食應該會熱好多好食好多今日第1次食，生煎包唔熱，擔擔麵唔夠味，叫走蔥又冇走到蔥，口水雞斬唔斷，豬扒又求其切，切唔斷，菜飯又好濕下午茶已經少人 ，得幾張枱，個廚房都咁求其，好似唔想做咁唔會有第二次嚟食

假期喺男友家耍廢，見 網上外賣平台 仲做緊外賣自取半價優惠，晚餐就選擇咗一直好想試嘅「堅信號上海生煎皇」一嚐其招牌生煎包餐廳出餐非常準時，包裝完好，有提供餐具，感覺唔錯----------🔹一人餐：四川擔擔麵 $44 (半價後)配堅信號生煎包2個及茉香綠茶擔擔麵有分湯👍肉碎入味略嫌稍鹹；擔擔麵細滑，軟硬度適中，湯底鮮味而鹹度適中，如能提高花生醬比例更理想生煎包大粒飽滿，面頭灑上芝麻及香蔥，外皮即使放涼仍然保持底部輕脆，質感細緻；咬開生煎包有爆汁效果，建議食用時用器皿乘載肉汁，避免尷尬，內餡豬肉新鮮嫩滑，非常美味，不愧為招牌出品茉莉花茶開蓋時已有撲鼻的茉莉香，飲落茉莉香濃郁，足料！美味指數：8.5/10----------🔹孜然雞翼5隻 $20 (特價及半價後)雞翼隻隻飽滿肉厚，面頭灑上輕量黑芝麻外皮香脆，油膩感及鹹度可接受，肉質嫩滑多汁，惟孜然香稍欠美味指數：7.5/10----------🔹灌湯小籠包4隻 (特價及半價後)開蓋時聞到鮮薑味道，小籠包皮摺得好靚包皮厚薄適中唔易穿，質感細滑；肉餡同樣新鮮緊緻又多汁，調味恰到好處，出色！美味指數：9/10----------🔹涼拌茄子 $1

比哂錢唔接單 即係叫人唔好幫襯姐 等左4個字 咁你整個外賣自取做乜 冇野啊嘛？第一次遇到咁ge情況 你比個原因我就係餐廳唔接單 咁你咪鬼打開門做生意啦 真係火都黎埋 我買得少所以唔接？你做生意咁做真係寒左人地個心

今日小朋友放學後隨便搵一間餐廳，第一次試。入到去環境都乾淨，吾算好大，但都好多位揀。我哋今次趁12:30前，叫左個特價餐，排骨菜飯🤣🤣🤣🤣飯入面有菜，十分健康，而且有大大份菜，但係菜粒，岩哂小朋友食👍🏻👍🏻至於排骨，煎到金黃色，十分香口，而且吾會太鹹，$38超級抵，我同阿女都食唔哂😂😂

今日全家去咗堅信號上海生煎皇呢度食下午，首先講吓服務態度，態度還可以，因為樓面職員只有一個已經很忙碌，但經理望住其他地方，還企喺度看似懶惰，不清楚內情，多次舉手要求幫助，但他也看似很忙，但又不忙。食物方面我叫咗酸辣魚午餐，冇睇清楚初時以為有飯食，點知原來係闊身嘅薯粉，每一啖都好難吞落肚，但係個湯濃郁、夠辣、好飲！魚肉非常嫩滑！ 另外叫咗兩個小籠包裏面多汁肉好味、屋企人叫咗口水雞餐，雞肉又係嫩滑，味道適中，剛剛好！ 另一位屋企人叫做炸魚米線套餐，佢話好好食～ 飲品我哋叫咗豆漿幾好飲，唔會話太甜。

有好有唔好,期待進步. 首先生煎包的確幾好食,個底夠脆,又熱又多汁不過豬扒上海粗炒就爭啲,啲粗炒好似未熟好硬豬肉白菜水餃唔錯前菜青瓜幾好食寫食評呀十分滿分佔七分啦

堅信號....聽過名以為有幾堅....先講生煎包...個底完全唔脆，成個包好似食梗小籠包咁...小籠包同生煎包咬落口感其實分別不大！ 都係得少少湯...厚厚既皮，外觀睇除左薑絲同芝麻外，其他分別不大... 總括黎講，係難食！酸辣湯麵...要讚既就係湯麵識分開上麵質感唔錯，但酸辣湯真係失敗...太酸，唔辣都算，仲要好杰身...完全掛唔到落個麵度...紅燒肉菜飯 完全唔明點解加外婆兩個字係前面...如果真係老一輩既出品，點會咁難食？ 紅燒肉係淋身，菜飯都唔算差...但d餸同汁會唔會太少呢？ 個汁既味道得個咸字，失敗成餐飯200幾蚊...呢d質素，大集團又如何？ 我唔會再幫襯！

經過屯門這邊，想說吃個下午茶，一時想不到有什麼想吃，找了一下，最後選了堅信號。堅信號以其老牌而美味的生煎包聞名🤠限時生煎包（6隻）今日的感覺好似中左六合彩頭獎咁，限時優惠：六隻生煎包價錢 = 四隻生煎包價錢🔥生煎包外脆內嫩，每一隻都非常結實，內餡以鮮肉為主，新鮮出爐，其中一隻咬下去爆了點湯出來，差點燙到了嘴🤣🤣單戀豆乳仙草凍仙草凍軟綿爽口，且帶有淡淡的仙草香味，融合豆乳使口感更豐富，喝完之後感到清新爽快☺️好味指數：8/10性價比指數：9/10餐廳名稱：堅信號餐廳地址：屯門屯門鄉事會路2A號H.A.N.D.S A區地下A101-A102B號舖電話：2333 3828

今日終於得閒少少，寫返啲之前一直食咗而未得閒寫嘅食評，今日補返呢間位於友愛商場地下的堅信號上海生煎皇。晚上大約6點30分左右可尼道呢間堅信號，今日人流相當稀少我便選了近門口的卡位坐下，選好食物便開始點餐，我點了胡麻醬七彩冷麵加呢個上海生煎包，還有小食前菜青瓜。好快便送到上枱，先試一試過胡麻醬七彩冷麵先，天氣熱熱地食過冷麵非常爽口，有一陣陣涼快的感覺胡麻醬亦都相當之好味，上海生煎包皮脆內裏的肉汁亦保留得住，這顯得出做包師傅的功夫，前菜青瓜非常惹味，小小辣加上青瓜爽口非常特別最後一杯凍豆漿作結尾。

最近我家的堅信號位於屯門屯門鄉事會路2A號H.A.N.D.S A區地下A101-A102B號舖. 只需在安定輕鐵站行入商場上二樓過對面馬路乘扶手電梯落地下即可見到. 這間食店並不十分大, 但通常不會滿座. 店舖賣的是正宗上海粉麵小食, 灌湯小籠飽, 四川擔擔麵, 川味口水雞, 上海粗炒, 白菜水餃, 上海排骨, 外婆紅燒肉等均是有水準的食品. 然而在眾多食品之中, 零零舍舍有款郤是異常特出的,那便是生煎飽了. 堅信號的生煎飽一定要襯熱食, 這時外皮鬆脆, 一咬下去便是芝麻香味, 再咬深點便肉汁四濺, 啖啖好味, 正!

堅信號上海生煎皇 (H.A.N.D.S) Ging Sun Ho King of Bun (H.A.N.D.S)地址 : 屯門屯門鄉事會路2A號H.A.N.D.S A區地下A101-A102B號舖味道指數：⭐⭐⭐抵食指數：⭐⭐⭐⭐環境指數：⭐⭐⭐服務指數：⭐⭐⭐等候時間：0分鐘裝修清新簡潔招牌生煎包必食之選、熱辣辣、外脆內嫩、多肉汁、爆汁、食完再食，唔停得口😄擔擔麵真材實料、喜歡不太辣的人士會很喜歡。光澤有人、麵身爽口彈牙，如添多點肉碎，會更加受歡迎。

用外賣平台apps叫了外賣，40分鐘送到，原本諗住一定唔好食啦生煎包，點知仍然熱同脆底喎！重勁多汁。。屋企人無預計會咁噴到四圍係🫠🫠🫠好崩潰，但真係好好食，值得推薦。另外柚子梳打，梳打分開另上非常好。叫左套餐，$230左右，豬肉同牛肉都好冧，小朋友都食到，不過就較濃味。雞絲粉皮一般，係日式麻醬，偏甜，唔係好夾。酸辣湯偏酸，唔洗再加調味料，好足料。上海粗炒，話係秘製醬汁，豬扒好入味，份量好大。

平時通常我會加生煎包, 不過今日想試下其他野, 所以叫左麻辣雞腳.試過一次就好了, 下次都係食返生煎包好O的.下午茶主食叫左豬排菜飯, 另加杯熱綠茶.份量都算多, 又炸得幾好食.  TOTAL 都只係62蚊.

今日去左屯門一個叫H.A.N.D.S.嘅地方行下，商場入邊有好多嘢食，多到唔知點揀好，隨意選擇下，就食喺地下嘅堅信號啦😋😋🐓蔥油雞 $88 半隻都只係呢個價錢，大隻夾抵食，雞又嫩又滑又Juicy，最最最最最重要嘅係，隻雞一啲都唔肥，有時喺酒樓食白切雞，皮同肉中間總會有一層肥膏，但呢度冇，薄皮雞連汁，餸飯一流🐮京蔥牛肉菜飯 $68 新鮮熱辣辣炒起，份量唔算特別多，作為食肉獸一定會覺得肉嘅份量係唔足夠嘅，不過牛肉好入味好Juicy，京蔥好好食好香，配埋套餐個菜飯真係好夾🐥雞絲粉皮 +$18 套餐加錢追加，細細碟可以試下味道都幾好，粉皮好滑，雞絲亦都好嫩，作為開胃前菜係唔錯嘅選擇，不過個人認為，如果麻醬可以多啲就會更加滋味🥣酸辣湯 唔會太酸，又有少少嘅辣味，好開胃

$72 既晚市套餐，有埋前菜加飲品，呢個價錢都幾抵☺️小編當晚餐食，都食到好飽好滿足😙🐥🍚 川味口水雞 菜飯口水雞份量唔少，仲要有髀位架😍 口水雞好夠味，少量辣度，配埋菜飯食就岩岩好🥰菜飯好香，飯粒分明😙😺🥟 紅油韭菜餃（3隻）有啲細隻，不過幾好食😝都係麻麻辣辣咁👍🏼連埋正餐一齊食份量岩岩好🙌🏼🍵 熱茉香綠茶唯一唔洗加錢既飲品，咁岩小編中意飲菜，岩晒😽😽😽—評分：值得一試💯