神燈海鮮酒家 (亞太中心)

營業中

休息中

潮州粉果真真正正做到皮薄餡靚，啲沙角好食xo醬煎腸粉用個石鍋黎上，保持食物嘅溫度，食好耐都仲係熱嘅，xo醬油唔係好難喎香煎墨魚蝦餅就係將墨魚滑同埋蝦滑撈埋一齊嘅搞作，點埋個泰式甜酸醬好好食，個墨魚蝦餅本身都幾彈牙脆皮馬蹄條就有少少強差人意，炸粉太厚，搞到入面馬蹄糕嘅份量比例上少咗呢個叫市橋白賣，係比較特別嘅，我都係第一次食，其實白賣即係白色燒賣，而白色其實就係鯪魚肉，即係好似鯪魚球咁樣，不過造成燒賣嘅形狀，上面有一片薄薄嘅臘腸吊一吊味叉燒包係唔錯嘅帶子鳳眼餃味道唔錯，帶子新鮮，不過係啲餃皮黐住曬好難搞冇諗過蘿蔔絲酥餅係咁嘅樣，不過呢個嘅味道幾好，無論係個餅本身或者入面啲蘿蔔絲都做得好好食椒鹽魷魚輕巧得嚟做得乾身有香口，冇乜油嗰下犀利金錢肚都好靚，本身佢個材料質素係唔錯嘅，所以雖然撈咗柱侯醬，不過仍然食得出金錢肚嘅香味。依家新張期內仲要七折，我哋四個人lunch time飲茶先至係食咗$435，尖沙咀區超值之選。