更多
2018-04-21
1325 瀏覽
之前聽友人講過話恒安街市開左條食街,今日去開運動場做運動,就順便去埋恒安街市睇下。翻新完之後,成個街市係乾淨左好多,又光猛。條食街都開左唔少鋪,經過呢間賣烤肉都幾多人排,就湊熱鬧睇下。啲人多數買豬手,價錢都唔貴,就外賣返屋企加餸。一隻燒豬手$88其實唔貴,間野仲有其他燒野賣,下次想試下烤雞脾,好似好好味咁。除左烤野,仲有醉野賣。對於醉野,真心難抗拒,索性要埋醉熏蹄同鴨舌慢慢嘆。豬手份量唔少,都算啖啖肉,家人話就算食到啲肥膏都係煙韌,烤得唔錯。個秘製蜜糖芥末醬好正,點埋食一流,不過得一盒唔係好夠點,有兩盒會好啲。家人話舊骨唔好嘥,用埋黎煲粥,$88都幾抵,一味兩食。買醉系列有埋類似梅汁嘅野點,算新穎,因為平時買開熏蹄都係俾蒜頭醋。兩個汁我都鍾意。熏蹄啖啖肉真係啱哂食肉獸,好滿足。全部餸都好啱伴酒,啱哂酒鬼。間野唔錯,下次會試埋其他野。
一隻燒豬手$88其實唔貴,間野仲有其他燒野賣,下次想試下烤雞脾,好似好好味咁。
除左烤野,仲有醉野賣。對於醉野,真心難抗拒,索性要埋醉熏蹄同鴨舌慢慢嘆。
豬手份量唔少,都算啖啖肉,家人話就算食到啲肥膏都係煙韌,烤得唔錯。個秘製蜜糖芥末醬好正,點埋食一流,不過得一盒唔係好夠點,有兩盒會好啲。家人話舊骨唔好嘥,用埋黎煲粥,$88都幾抵,一味兩食。
買醉系列有埋類似梅汁嘅野點,算新穎,因為平時買開熏蹄都係俾蒜頭醋。兩個汁我都鍾意。熏蹄啖啖肉真係啱哂食肉獸,好滿足。全部餸都好啱伴酒,啱哂酒鬼。
間野唔錯,下次會試埋其他野。
張貼