家嫂一家大小

營業中

休息中

話說家嫂既放題我都食過幾次，性價比好高～不過次次都係去旺角分店。今次去尖沙咀分店，食咗咁多次先知原來尖沙咀晏晝係有點心食😨😂而且裏面勁Grand，好似去咗酒店食點心咁！即刻轉咗食點心唔食佢嘅放題🤣佢啲點心好精緻！平時我最高限度都係食過豬仔樣嘅包同埋天鵝樣嘅酥，冇諗過依度完全係另一個Level！！真心性價比同放題一樣咁高！食緊嘅時候已經諗住下次帶屋企人嚟食-原盅雞燉牙勾翅🍲雞肉燉至酥爛仍保留纖維感。最驚豔係牙勾翅份量毫不手軟，勁大塊！應該燉咗好多個鐘！-精緻金魚餃🐠簡直係藝術品🥹嚟到嘅時候仲要有埋乾冰，超級靚！！！廚師好有創意，金魚整到勁逼真！真係一家大小😂仲要個底係蒸蛋白可以食埋，冇諗過蝦餃整到咁靚都可以保持住傳統功架，我一路唔捨得食，幫佢影咗勁多張相…-海膽酥脆墨魚餅🥪顛覆傳統的奢華組合！墨魚彈牙帶顆粒感，外層裹著麵包糠炸成金黃色。重點係馬糞海膽的份量俾得一啲都唔孤寒！而且仲要有埋魚子醬，好高級！鮮甜與墨魚鮮竟意外合拍。-家嫂陳醋小籠包🥟就算放題本身有都好想再食～改良版小籠包薄透麵皮鎖住滾燙湯汁，而且黑醋取代傳統薑絲，酸味更圓潤優雅。-南美麟蝦蘿蔔糕🦐平時出去食點心都係普通蘿蔔糕，完