CHIMAC (大埔超級城) (已結業)

周末中午唔知食乜好，諗起想食炸雞，淨係諗到 KFC 同jollibee，但都食過好多次，想試下其他餐廳，見到有間餐廳又係食韓式野。叫左個二人特攻炸雞盒，黎到一見到超級多野食，真係unexpected。熱辣辣原味及蜂蜜焦糖炸雞腿各6件，薯蓉，炸薯條，韓式粉絲，辣炒年糕，再加兩樽飲品，認真好豐富!蜂蜜炸雞以雞肉十分酥脆，配上濃郁蜂蜜焦糖醬汁，酥脆外皮加上甜香蜂蜜，非常惹味。韓國年糕同就中規中矩，粉絲就幾煙韌，薯蓉都幾幼滑，有薯味。整體來說，炸雞係突出的，百幾蚊有咁多野食，價錢都唔算貴!