田記魚蛋牛腩專門店 (碧街)

原本諗住有飯局點知走咗落MK睇錶，行到老廟街頭見到兩間食粉麵一間係叫源發，對面一間叫田記，上 Openrice 睇田記有二百幾個正評，而且招牌寫住牛腩專家必食之選咁就入去試下，裏面食客九成係遊客入到去好似去咗聯合國咁，牛腩河多葱其實賣相都算唔錯，牛腩都有六、七舊舊都有肥瘦兩層肉，不過食落先知真功夫，可能我唔識欣賞有四五舊係肥膏好肥但瘦嘅部份就好乾好柴好似食緊肉絲咁仲要黐牙，得兩舊係似返啲樣，河粉好鞋唔夠滑，湯底無甚特別，比預期中失望仲話係必食之選都唔知嗰二百幾個 like 喺邊度嚟？真係忍唔住食完要即刻出返個 post comment 一下，$46咁嘅質數其實係偏貴，求奇搵一間正常食牛腩河嘅我諗應該都好過佢......🤨🙄😑

必食招牌牛腩河

$46