新泰東南亞餐廳 (馬鞍山廣場)

營業中

休息中

好耐冇同屋企人出去食晚飯，細妹提議食泰菜馬鞍山泰菜有兩間喺555同新泰，梗係選新泰叫咗五碟菜:分別係泰式明爐魚，蜜糖燒排骨，飛天通菜，軟殼蟹米子卷，菠蘿炒飯。估唔到菠蘿炒飯炒得咁乾身，平時出面食嘅都係好濕，但係今次炒得鹹淡得宜🥰而家個菠蘿好大個好打卡飛天通菜有少少辣，炒得好惹味，而且唔算好老。芒果軟殼蟹米子卷本身擔心芒果會酸，但係竟然幾甜😍😍絕對加分，而且軟殼蟹脆身，點甜酸醬食非常清新。雖然呢碟燒排骨唔平，但餐廳無燒燶，而家排骨就算唔點醬都好入味，好好食。點左醬又係另一個口味，而家燒得唔老亦唔會鞋口。值得下次再叫。但份糧就少啲，得四舊，但碟排骨都唔平，百幾蚊。整體覺得呢間泰菜比以前好食，唔怪得星期二晚肆都大致有坐滿餐廳入面。