Little Fresh Cafe & Bar (已結業)

今日去咗位於旺角登打士街嘅樓上cafe食晏～ 呢餐餐廳位於18樓，好開揚，景觀一流。佢哋嘅Lunch set 包餐湯/沙律 + 主菜 + 餐茶，價錢合理。是日沙律 - 加新鮮嘅沙律菜配上酸酸甜甜嘅莎莎，令人開胃。刁草忌廉汁三文魚扒蒜香意粉（$88）- 個三文魚扒唔單止厚身嫩滑，仲煎到好香，個三文魚皮係脆身😍 非常美味。而個意粉都有驚喜，因為係用蒜片炒過，所以好香好入味。竹炭咖啡（+$18）- 叫咗少甜少冰，味道剛剛好！啲奶打到好creamy，同竹炭撈埋一齊一黑一白咁賣相一流。