芝味鳥 (已結業)

行過路口見到佢個廣告牌, 以為係新開就去試吓. 快餐店既格局, 冇人招呼, 坐低就睇下個餐牌, 然後去櫃位買咗嘢食就等佢拎嚟. 餐牌仲有沙律同小食嗰啲, 不過2個人食唔到咁多, 下次先試.有意粉、薄餅、炸雞, 又有餐, 所以叫咗個2人餐就有晒哩3樣嘢, 仲有2罐汽水.夜晚8點得1枱客, 唔知佢生意點, 不過見佢有人送外賣. 裝修光鮮企理, 亦唔會有油煙味. 枱面得叉同匙羹, 冇刀, 唔知係咪預我用手食. 枱面仲有紙巾, 芝士粉同黑胡椒提供.等咗一陣就2件炸雞嚟先, 雞上脾同下脾各一. 個皮超脆, 用匙羹一敲就碎, 雞肉唔會乾, 好moisture, 但又唔會滴晒油, 好食過KXC嗰啲.之後嚟肉醬意粉, 個底有好多水, 都好多意粉, 又係唔會乾晒, 不過味道普普通通.最後6吋Pizza都嚟埋. 雖然係厚批, 但個邊同底都好脆, 冇Pizza Hxt 嗰啲咁包.食炸嘢嚟講, 最怕整到乾爭爭, 飲極水條脷都鞋. 哩到就唔會, 樣樣都好夠水份, 食完嘢罐汽水都未飲晒.雖然話2人餐, 除開都唔平, 但咁多嘢食而且都好食, 都唔算好貴, 而且樂年花園附近係冇炸雞、薄餅、沙律哩啲, 所以如果想食又唔