1
✨主菜可以加$68升級套餐，先黎個餐包真係熱辣辣，芝麻包外脆內軟勁香口。長身麵包有d 似法包既質感，脆得黎煙煙韌韌幾得意。
✨蘑菇湯好好飲👍🏻菇味好濃而且濃稠度啱啱好 ,仲有好多蘑菇蓉。
✨三文魚他他：三文魚好香仲有d 黑魚子，白色底層好得意食到甜甜地又有d奶香味。加埋檸檬汁既味道，感覺幾清新。
✨strawberry yogurt: 加$16 升級呢杯特飲， 味道甜甜酸酸幾開胃，鍾意佢味道唔會太甜。
✨蕃茄羅勒水牛芝士pizza($108): 一客有6件，芝士同羅勒味都好香，簡單加埋蕃茄醬已經好好食。批底夠薄，批邊都好脆。
✨威靈頓牛柳（$388): 個酥皮超正，薄得黎好酥脆，入面既蘑菇蓉好好味😍 .牛柳七成熟顏色夠粉嫩，食落勁軟腍多汁，仲可以配海鹽同燒汁，燒汁味道幾特別，有種炭燒既味道。
✨薯條份量都夠多，粗身夠多薯仔肉，沙律都好新鮮。今餐無論食物同環境都好滿意，雖然位置有d 隱蔽同行遠d, 但係食得好舒服👍🏻
