地中海休閒餐廳 (已結業)

份量好細，真係食唔飽，但價錢好貴唔想再叫，因為未好食到覺得值得呢個價錢。同埋我地叫咗個set dinner，無諗過set dinner係會得咁少咁細份，原本諗住叫威靈頓牛，但冇預先order所以冇，之後諗返好彩冇叫，因為相對出面其他餐廳，佢個價錢真係好貴。服務方面，真係叫天天不應，叫地地不聞。…查看更多

當你睇到呢篇食評嗰陣，其實Bistro Bon已經結業喇～我想記錄返一次喺Bistro Bon食晚餐嘅經歷，但願遲啲再有機會喺香港食到！（最尾有交代Bistro Bon嘅去向）.Bistro Bon係一間位於九龍塘浸大嘅西餐廳，同浸大入面嘅其他canteen唔同，Bistro Bon顯然係一間比較高級嘅餐廳，喺呢度你可以食到各種各樣嘅西式食物、具異國風情嘅美味料理，絕對唔會係「頹飯」～雖然係咁，但由於佢嘅下午茶實在係太抵食，基本上三十幾蚊就有交易，價錢居然同浸大嘅其他canteen相若，所以浸大人都會視佢為午後之食堂，稱之為BB Can (Bistro Bon Canteen).呢晚喺Bistro Bon食咗幾樣嘢～落完單之後，店員就送上餐包同牛油，一嚿外表好似煎堆咁嘅樣嘅包，外脆內軟，又甜甜地，好特別呀！另一嚿包望落就好似scone，又脆又香，好吃～.主食方面，我嗌咗個豬下巴意粉，其實人哋全名係叫煙燻伊比利亞豬下巴香蒜辣椒意粉～豬下巴喺出面好少機會食到，覺得佢幾特別就叫咗嚟試！意粉嘅份量雖然唔多，但真係好高質！廚師首先慢慢煎香豬下巴，逼晒佢啲油出嚟之後，再放意粉落鑊炒，所以每啖意粉都食到豬油嘅甘香！除此之外，炒意粉時落咗香蒜同辣椒，所以入口個味道非常豐富，有油香、有蒜味、又辣辣哋，真係好正呀！意粉比平時食嗰啲更幼細，我覺得佢更似天使麵，質感煙韌，煮得恰到好處！（因為我好怕食嗰啲煮到過晒火稔到不得了嘅意粉！）.食完個意粉，全晚嘅重頭戲終於來了！就係呢個要事先預訂嘅威靈頓牛柳！賣相真係好吸引，酥皮金黃，花紋細緻～個酥皮食到最後一嚿牛柳嗰時都仲係酥脆卜卜㗎！.牛柳叫咗medium五成熟，唔會太生又唔會太熟，牛柳中心呈粉紅色～牛柳肉質嫩滑多汁，絕對唔嚡口！酥皮同牛柳之間有一層鵝肝醬，鵝肝醬除咗好香嘅鵝肝味，仲有濃郁嘅菇菌黑松露味！個醬仲食到火腿塊，十分有誠意～伴碟一啲都唔馬虎， 薯蓉好重牛油同奶味，入口好綿滑好smooth！真係估唔到連個薯蓉都咁好食，賣相仲要咁靚！好滿足呀！.甜品方面，我叫咗檸檬撻，正正常常啦～個檸檬餡雖然有少少酸，但連埋上層嘅蛋白一齊食就剛剛好！.位於浸大嘅Bistro Bon喺7月15號已經結業，餐廳喺social media透露未來有機會喺尖沙咀再同大家見面～希望之後仲有得試佢其他嘅特色嘢啦！…查看更多

🍔雙層芝士煎蛋手打牛肉漢堡配薯條及沙律菜💰$74😈呢間餐廳都一直成日想黎🤣聽人講佢個dinner有威靈頓牛柳食🤤不過自己整過一次就暫時打消念頭所以就試下佢個午餐😜佢係係浸會大學到既呢到係歡迎訪客黎食不過位置就有少少距離😢可以泊車係門外既😎佢午餐都叫合理價錢😗Burger就唔算話太岀色麵包無烘過所以無咁香同漢堡唔太Juicy不過都可接受但最驚喜我既係個薯條因為佢唔係普通薯條而佢係落左好多粉🤤佢係似5個人入面既CajunFries🤣所以我覺得幾好食不過🐻食個個雞扒肉碎飯就有啲失望似普通Canteen食咁😣希望有機會試佢Dinner…查看更多

Lunch hour 去呢度食飯～ 環境幾舒服 喺浸大嘅餐廳 座位都算幾多～香煎原條鮮魚配蕃茄莎莎醬（$118）首先呢個要等耐啲嘅 都等咗成半個鐘 條魚都幾大條 雖然肉就唔多啦 番茄沙沙醬好小 根本唔夠點全條魚 🥲而且冇咩味 唔係好搵到莎莎醬喺邊🙃🙃 到條魚啦 外皮煎唔脆唔香口 一啲都唔滑 仲腥腥地... 而且價錢都偏貴 香辣烤雞伴卡津風味薯條及沙律菜（$80）香辣粉同five guys 嘅 Cajun 薯條係一樣㗎😍所以都幾好食 加分～ 而且隻雞好滑 咬落都幾Juicy （除咗個骹位比較鞋）同埋分量都幾大 一定夠飽！…查看更多

真心唔明點解有咁多好評…又咩隱世美食…隱世就真係好隱世，但美食就真係不敢恭維…可能係我黑仔啦…但係叫左兩道菜都中晒伏，其中有道仲要係招牌菜…要預訂既威靈頓牛柳…先講下前菜，前菜叫左煙三文魚凱薩沙律…份量就好少，三文魚得兩塊…至於味道，三文魚都還可以，但作為沙律靈魂既生菜，係苦既…好明顯就係冇洗乾淨啲農藥…都算最令人失望係主菜-威靈頓牛柳…要提早預訂又收成六百幾…出黎既水準果然符合大學頹飯既水平…成道菜連個醬汁都冰冷無味，牛柳差唔多係well done，又老又散，簡直就係煲完湯之後既瘦肉湯渣一樣，完全感覺唔到自己食緊牛肉…咁既價錢咁既質素真係0分都俾多…市面上有其他扒房同樣係威靈頓牛柳，收緊一半都冇既價錢，但人地出黎嘅水準係呢到既幾倍…簡直係伏中之伏，搞到我都忍唔住要第一次寫食評佢地係open kitchen 既設計，但奇怪既係坐左成晚兩個鐘，係一啲香味都聞唔到…只怪自己太年輕，錯信呢到既正評…如果大家真係想食呢間，請做好食完一肚氣既心理準備性價比極低，成餐八百蚊但出黎既野二百蚊可能都唔值…查看更多

上次食完下午茶今次食佢個午餐👍🚩全日早餐 $74份量都多嘅👅所有食物都正常好味😋食完全日早餐真係會幾飽🤣🚩蕃茄雞扒飯 ）$58正常出邊食一個飯跟一塊雞扒正常啦點知呢度有兩塊雞扒仲要有少少煎炸嘅雞皮脆嘅👍番茄汁正常 不過如果多啲汁嘅話會開心啲😂🚩餐湯麵包（跟餐加$10）麵包同個湯都正正常常👅總結時間🥰Bistro Bon 已經成為左我同同學嘅新canteen😂😂因為我早入去啦仲有八折超級抵🤪多多支持💛❗️…查看更多

落堂之後去食下午茶🥰好味道又抵食嘅餐廳👍😛🚩 煙三文魚炒蛋伴牛角包及沙律菜 $46 (下午茶）牛角包幾鬆軟但三文魚略為冇乜味🤭炒蛋幾滑嘅😛啲炒蛋夾落埋個牛角包度食呢口感會豐富啲🥐🥚沙律就正正常常🥗🚩 粗切薯條伴車打芝士醬 $36 （下午茶）薯條即炸嘅上枱熱辣辣😋分量超多☺️點埋個車打芝士醬超級好味😊😊不過薯條上邊灑左啲鹽就略鹹👅總結時間🥰喺浸大返學嘅朋友仔唔想食AAB同聯福樓🤭可以同朋友選擇Bistro Bon💛…查看更多

日式醬油漬糖心蛋黃多士🥖  與其話多士 佢個口感似酥餅 咬落去非常．非常鬆脆🤤再加上醬油蛋黃同黑松露意大利芝士(醬) 鹹香十足留意返作為頭盤 佢份量得一小件喔…查看更多

呢間餐廳最好既地方係用餐不限時，我地坐左勁耐～😂😂煙三文魚蘆筍意大利飯（$72）雖然煙三文魚同蘆筍份量少，但意大利飯既口感唔錯～👍🏻👍🏻牛肉漢堡配薯條沙律（$74）牛肉漢堡好大個，薯條好幼好脆。不過個人鍾意外脆內軟粗薯條！🍟🍟大蝦墨魚汁意粉🦑（$74）全碟意粉既餸真係得一隻蝦同一粒車厘茄，但滿意墨魚汁意粉既口感味道。因為坐既位置對住開放式廚房，所以對有時除低左口罩既廚師感到不安。🤧總結：傾計長坐好地方；食物正常；廚師衛生意識要提高。…查看更多

《 一試就愛上😍😍 》有朋友知道我喜歡食西餐，推薦左Bistro Bon比我幾次，但每次都忘記左有佢。於是朋友就約我收工一齊去食晚飯聚舊啦～😆👏🍟粗切薯條配車打芝士醬 $58打頭陣就梗係要叫返個薯條先，粗切薯條薯香四溢，仲係即叫即炸熱辣辣。而車打芝士醬都好吸引架，芝士香濃得黎唔膩，好味啊！🤣🍗炸雞槌 $68炸雞槌真係令我難忘，雞皮香脆雞肉嫩。最正係佢個沙律醬，酸酸甜甜好夾炸雞槌。🍕BBQ手撕豬肉薄餅 $128薄餅都唔錯，批皮係薄脆批，夠曬香口。醬汁係BBQ醬，口味偏重，但配豬肉都幾好味，不過豬肉就少啲咁囉。🦀 帶子蟹肉risotto $178Risotto 最正就係見到大大隻帶子，大隻得黎又嫩。蟹肉整成一絲絲黎煮Risotto，蟹肉嘅鮮咪煮曬入米飯到，勁入味幾好食。🧶 明太子海膽手帶意粉 $168明太子同海膽都好夠鮮味，仲有配埋魚子，意粉又夠彈牙，雖然略略有啲鹹，但都好食啊！…查看更多

一直都知道呢間舖頭嘅存在，一直都好想嚟支持下~仲要因為佢係偏高級嘅西餐廳，都幾期待~ 咁啱要喺附近做嘢所以就嚟咗食一個下午茶！ 點知咁細份相信唔使我多講睇啲相都知道到底個下午茶有幾唔豐富。。重點係價錢都要$40。。首先食完一啲都唔飽, 份量真係少。。而且一啲都唔高級嘅感覺，影張相都覺得好無奈。。魚柳同薯條套餐一睇就知道魚柳好細。。。薯條遠遠多過魚柳，蛋餅更加唔使講，個樣超級唔吸引, 食幾啖就冇。。雖然話有配菜嗰啲但係都唔覺有好大幫助。。都唔想有比較，但係我覺得好多快餐店份量同賣相都吸引啲。。個人永遠都唔會再嚟食下午茶…查看更多

位於浸大由小小虫開既bistro bon唔洗學生都可以黎到既之前見過佢告急加上自己有野想慶祝所以特登幫襯下由九龍塘黨鐵站行過去都比較遠都要行成三四個字早幾日book左1930呢個時段星期五夜晚未坐得滿地方算大都幾多檯有個開放式廚房不過地下就痴lumlum好似好耐都無抹過咁餐牌都多野揀主菜可以再加68蚊配前菜,湯同野飲仲可以再減12蚊一份甜品環境一般不過我地兩個人坐四人檯就坐得好舒服送左兩件好普通既麵包是日餐湯OK既但有少少苦另一個前菜係溫泉蛋炒菌呢份口感幾特別我地主菜就訂左兩個隱藏menu威靈頓牛同西班牙海觧飯其實由確認訂位到入門口佢地都有勸喻過我地份量太多會食唔晒不過呢一日有紀念價值女朋友又一意孤行就交由佢發辦首先上既係威靈頓牛加埋一都成七舊水賣相唔錯不過都係有甩皮甩骨既情況出現其實之前都只係曾經係gordon ramsay海港城間餐廳食過一次呢個味道都可以但因為只有兩個人食每人三件真係食到第二件都開始濟另一個係西班牙海鮮飯menu係無既直到兩份都上晒檯我終於明白到點解佢地係咁不斷咁勸喻我地因為份海鮮飯真係好大份其實本身食威靈頓牛已經濟濟地不過既然一場黎到都叫左當然都係會清晒佢啦呢個海鮮飯都好足料比起牛係好食既但都真係二揀一就夠兩個都真係四人以上既份量黎開心嘛所以仲可以食埋甜品甜品有四款全部都唔貴我地一人叫左一款伯爵茶奶凍可以做到動L效果都唔錯另一個係tiramisu呢個樣好靚手指餅用黎點咖啡又得點蛋糕亦得其實後尾餐廳都爆爆地份量太多都食左成兩個半鐘呢度算係學生飯堂並唔係高級餐廳無時間限制亦都可以高談闊論女朋友就鍾意呢種地方多過米芝蓮餐廳唔洗避忌不過呢餐價錢當然係貴到hihi兩個四人份量既主菜跟一個set再加兩份甜品埋單差唔多千四蚊仲貴過去食米芝蓮味道方面唔算特別好食環境亦都有待改善當係支持下黃店聽講小小虫會開分店如果就腳d可以試下…查看更多

威靈頓牛柳（需預訂）Price：$638📌一上枱賣相已經超級吸引，切開左5大舊😝酥皮包住粉嫩色既牛柳🤤雖然話係牛柳，但係完全無筋，非常易咬✅而且肉質好鮮嫩鬆軟，外層既酥皮都好脆，食落有多層口感❤️不過酥皮較易甩，各位記得拼返埋一齊食啦😉伴碟既薯蓉同菇都烤得好香架😚巨型虎蝦、西班牙辣肉腸香蒜辣椒意粉Price：$178📌虎蝦果然名不虛傳，真係超級巨型🤣剝完殼見到咁大條蝦肉真係好滿足🤤蝦肉爽口彈牙，意粉蒜味好足好香口👍🏻而且意粉既軟硬度好啱小妹口味，有咬口唔會太淋，不過就食唔出有辣味啦🤔法式釀無骨春雞Price：$228📌兩隻雞髀睇落好肥美😋食落口肉質好嫩滑，唔會嚡熠熠，仲好有肉汁添🤪不過同我想像中既春雞有d唔同🧐以為個面係好焦聞落好重煙薰味個種，可能個d係燒，今次係釀🤔幾新奇未試過廣島蠔味噌醬意大利飯、香煎焦糖金蠔Price：188📌隻蠔燒到好香，個邊好焦脆💛食落仲有甜甜地既焦糖味🤤真係意外驚喜🥳意大利飯濕濕地幾creamy好易入口，絕對唔會好滯👍🏻德薩斯州式BBQ手撕豬肉薄餅（9吋）Price：$128📌小妹想像中既手撕豬Pizza以為係好似手撕雞咁一條條鋪係Pizza面🤔肉就唔係好食到，不過反而好重芝士味😍仲見到拉絲添🤣配上茄醬同有少少辣既BBQ醬幾夾👍🏻…查看更多

#黃店 #隱世小店🌟Japanese – styled marinated egg yolk Toast ($68)🍳SUPER YUMMY!! The toast was thin and crispy. 🥚🌸 It matched well with the egg yolk and had a buttery texture. Recommended.🎋🌟Beef wellington (Reserve required) $638 (too pricey 💸💸)It was reasonably cooked, the beef was tender but a bit salty to me. Personally, not a fan.🥩🥧But my friend think it was perfect. So I guess it really depends on personal preference. 😖🌟Prawn Pasta MUST TRY! ($168)🍝Strong taste of garlic! The Prawn was yummy and pasta cooked al dente.🦞🦞🌟Raspberry Sorbet – very refreshing taste and nice presentation. Perfect ending for the meal. 🍧🔛 I can feel their effort to create an atmosphere for fine dining but a bit fail to be honest.😅 Foods were not bad🙌🏻 but staff were not attentive enough, table and cutlery were not cleaned well and was a bit oily㊙️㊙️. Overall considering the food quality, still a nice place worth for a visit. 💛🧡💛…查看更多

餐廳位置距離地鐵站略遠需要行10分鐘左右去到就見到浸大搵左一陣先知原來係浸大入面開頭諗住叫一個主菜加一個意大利飯但後尾知道要叫主菜先可以享有+$38 加配是日餐湯同餐飲知道是日餐湯係龍蝦湯就即刻決定叫兩個主菜再加配 今次無食威靈頓牛柳因為臨時walk in要食既話就要預訂 餐包有迷你法包同提子法包唔會太乾身幾好食餐湯 味道唔會太淡濃厚既龍蝦味如果有龍蝦肉就更佳飲到後期就覺得有少許咸可接受亦都好飲！開頭唔知叫左一碟parma ham + salami + cheese 拼盤但原來每枱都會送一碟😯待應知道之後都驚我地食唔曬主動問洗唔洗幫我地取消返服務態度超級好🥺叫左份48小時慢煮牛小排肉質好嫩滑 厚薄岩岩好配合埋個汁好好食隔離個薯蓉好creamy入口既融另外叫左個法式無骨春雞就算雞胸都唔鞋好嫩滑雞胸中間放左d豬肉鴨肝餡料味道就嘛嘛😢餐飲叫特飲享有半價叫左杯菠蘿荔枝乳酪好飲但偏甜下次可encore叫少甜 整體食物都好食但係值得一讚既係服務態度超好幾位員工都好態度。…查看更多