手卷屋

營業中

休息中

好耐無黎，原來已經大鋪搬細鋪去左對面，仲有少量坐位。本身諗住散叫，但我咁大食又唔化算。原來佢有便當喎，一個都係四十零蚊，一於叫夠兩個。精選三食便當， 壽司有得㨂正常同全熟都幾貼心。三件壽司唔知點解無咩味有d 失望，八爪魚同三文魚都比較味淡，甜蝦無乜甜味，反而個加州卷就幾好食，正正常常。個飯加4蚊轉特大帆立貝，佢個豉油加埋d 沙律醬送飯好好味。帆立貝都好鮮味，不過得一粒就唔夠送飯，好彩個蒜味螺肉都幾多可以搭夠下。另一款豬軟骨飯就加$6 ,估唔到個豬軟骨超腍勁入味，d 骨係炆到勁軟身好似牛筋咁起晒膠質，超正！！厚燒玉子都好味，入面有d 沙律醬又有d 飯咁， 如果個便當可以加杯熱茶飲下就更可親。