& green (已結業)

自從於理工讀完書畢業後，出來工作就甚少到紅磡一帶，朋友早前發現於理工宿舍附近有間Cafe好似幾正，於是約埋我去一試。餐廳環境寬闊，日系色調令人坐得舒適，而且樓底高無咁應聲，傾密偈都唔怕俾隔離枱聽到。食物價錢一般，美食味道都唔錯。Sweet Potato Latte $42拉花都靚仔嘅，飲落好香滑的紫薯味，甜度適中，可以慢慢歎。 生姜豚肉飯 $93豚肉多片佈滿飯面，伴有少許蔥花和洋蔥粒，豚肉油香味美脂肪平均，飯粒粒分明，醬汁味濃，令人不自覺一啖接一啖食晒成碗飯。