Plato Cafe & Bistro (吳松街)

呢間Cafe仲喺油麻地嘅時候有幫襯過，搬咗嚟佐敦仲係好受歡迎，週末午餐時段好多人幫襯，有時仲要等吓位，好在而家有兩層，空間比較大，都唔使等太耐～～Weekend Set Lunch都幾抵食，有餐湯/沙律、主菜同飲品。天氣熱唔算好好胃口，所以揀咗比較清新淡味嘅嘢食～🥄薯仔忌廉湯揀咗餐湯，好香薯仔味，都幾creamy，不錯！🍴北海道帶子沙律 +$38套餐可以加配小食，揀咗fresh嘅帶子沙律，有兩粒帶子，幾鮮甜！沙律菜都新鮮！🍴全日早餐 $108有巴馬火腿、南瓜餅、鮮奶炒蛋、烤蕃茄、紐倫堡腸、牛角窩夫、火龍果同沙律🥗，都幾豐富同比較清新嘅配搭！南瓜餅外脆內軟，無薯餅咁油膩，好食！鮮奶炒蛋份量好多，再滑啲就更好啦～牛角窩夫幾酥軟，如果有啲蜜糖點吓一齊食就好啦🤣 有沙律菜同火龍果，比較新清，無一般All Day Breakfast咁heavy~ 🍴香煎魚柳配芥末籽醬 $98呢款都係相對無咁heavy的午餐～ 揀咗意粉，調味比較清淡～ 魚柳有兩塊，輕輕煎過，幾厚肉嫩滑，點少少芥末籽醬一齊食，呢個配搭幾好～仲有新鮮烤過嘅翠肉瓜同蕃茄仔👍🏻🍑蜜桃乳酪 +$20呢杯飲品好清新，而且唔會太甜！乳酪比較健