他的面

營業中

休息中

嚟到MegaBox，見到有間新舖。見天氣凍凍哋，想食啲熱湯就坐低幫襯，點知一個字。 伏。叫咗胡椒豬肚雞湯麵同埋麻辣牛肉麵。兩個湯 係有胡椒味同埋麻辣味，但係湯底本身都唔夠濃。 牛𦟌本身冇乜肉味。雞肉都係非常嚡，好似人哋食鹹雞咁樣。我個胡椒豬肚雞湯麵係入面有一件雞胸， 一件雞背脊，另有一個 joint 位，有個雞轉彎, 同埋一隻雞翼尖。我問個侍應，雞轉彎同埋雞翼尖係咪呢度嘅特色。佢有啲支吾以對，跟住話俾我聽師傅可能冇睇清楚就夾咗落去。佢態度其實都算友善，佢話叫師傅俾多兩嚿我。但最後大家見到喺相入面就係多咗另外一嚿雞轉彎同埋另外一個雞鎚嘅joint 位。佢將兩嚿雞遞俾我嘅時候，我同佢講原來呢度嘅特色真係比雞轉彎啲客，師傅係「睇清楚」先夾落去。 佢個樣好尷尷尬尬咁淨係喺度笑冇講任何嘢。伏。無下次。