影片
叫左雞絲涼麵 麵質好怪 第一次食 叫左少辣 但一d辣都冇 早知中辣飲品叫左鴨屎檸茶 但原來係隔離鋪沖等左大半個鐘野飲都未黎 野食都食完 杯野都仲未黎朋友叫左牛肉麵 都係麵質怪 同湯底好似怪怪
繼續閱讀
今日情人節，同另一半貪過癮去咗重慶小麵試吓個麻辣紅燒牛肉麵。咗碗牛肉麵，湯底紅卜卜，飲第一啖已經feel到花椒嘅麻同辣椒嘅香，辣得嚟唔會死鹹。牛肉大大舊，半筋半肉煮到超淋，筷子一夾就散開，吸晒湯汁好入味。麵條揀咗幼身嗰款，掛湯力夠，嗦嗦聲食得好爽。 牛肉麵一上枱，湯底紅得嚟好濃郁，牛肉煮得夠淋，入口即化，麻辣味夠晒勁，食到鼻水都出埋，但又唔會太嗆喉，幾過癮。小酥肉外脆內嫩，咬落去仲有啲肉汁，點埋辣椒粉更加惹味。最後食埋紅糖糍粑，外皮脆脆哋，入面煙韌，紅糖甜度啱啱好，解辣一流。整體嚟講，味道唔錯，價錢都合理，係個幾好嘅情人節選擇！ 。
繼續閱讀
求其搵間餐廳食午餐，叫左2碗麵，基本上除左麵嘅口感，各樣都ok嘅，可能係我個人問題，2碗麵嘅口感都唔係爽口，係軟好淋，好似公仔麵煮好耐索哂水嘅口感，呢種口感從未食過，如果個麵口感硬返都會再幫襯嘅。
繼續閱讀
嚟到MegaBox，見到有間新舖。見天氣凍凍哋，想食啲熱湯就坐低幫襯，點知一個字。 伏。叫咗胡椒豬肚雞湯麵同埋麻辣牛肉麵。兩個湯 係有胡椒味同埋麻辣味，但係湯底本身都唔夠濃。 牛𦟌本身冇乜肉味。雞肉都係非常嚡，好似人哋食鹹雞咁樣。我個胡椒豬肚雞湯麵係入面有一件雞胸， 一件雞背脊，另有一個 joint 位，有個雞轉彎, 同埋一隻雞翼尖。我問個侍應，雞轉彎同埋雞翼尖係咪呢度嘅特色。佢有啲支吾以對，跟住話俾我聽師傅可能冇睇清楚就夾咗落去。佢態度其實都算友善，佢話叫師傅俾多兩嚿我。但最後大家見到喺相入面就係多咗另外一嚿雞轉彎同埋另外一個雞鎚嘅joint 位。佢將兩嚿雞遞俾我嘅時候，我同佢講原來呢度嘅特色真係比雞轉彎啲客，師傅係「睇清楚」先夾落去。 佢個樣好尷尷尬尬咁淨係喺度笑冇講任何嘢。伏。無下次。
繼續閱讀
叫咗金湯抄手同埋豌雜麵金湯似酸菜魚湯味，酸酸辣辣咁，抄手味道不過不失，勝在份量夠，加埋湯一起個味道都幾夾，餡食到係豬肉同埋雲耳，不過唔似平時食開啲抄手係細細粒咁，感覺似雲吞多囉豌雜麵味道都幾正宗，係川菜麵食比較有特色嘅麵，叫咗正常辣都唔會太辣，啲辣唔係死辣，豌豆同肉醬撈埋啲麵一齊食都幾滿足，另外枱面都有提供辣椒油，都幾香口，1碗份量食完都飽肚 。另外仲有試咗個玫瑰荔枝冰粉，推薦大家可以一試，有機會會再試埋個牛肉麵最後原來係免收加一，希望可以keep到！
繼續閱讀