影片
更多
2018-10-16
307 瀏覽
好後悔呀，觀塘咁多好野食，偏偏比我揀左間咁難食😭😭7點去到APM見同層另外兩間都企滿晒人等緊位。而御泰坊就唔洗等位有得即刻入座，開頭都驚伏架但入到去又見坐滿晒人。芒果軟殼蟹米紙卷依個真係好難食！一上枱已經覺得賣相麻麻，個皮好濕同隔離個舊痴埋一齊。放入口先恐怖，個軟殼蟹又淋又腥。腥既軟殼蟹真係第一次食，真係勁難食。點解可以拎d腥既軟殼蟹比人食。青木瓜豬頸肉沙律可能係食完腥既軟殼蟹，我覺得個青木瓜絲好好食，青木瓜又酸又辣又夠爽。不過豬頸肉麻麻，煎得過左火好硬。炸蝦餅蝦餅熱辣辣，好明顯係即炸即上。但個蝦餅口感麻麻，好死實實咁唔夠彈牙。好彩醒目叫左三樣野食咋，就算未飽都唔再叫。間野真係好難食冇下次！腥既軟殼蟹真係好有陰影。。
7點去到APM見同層另外兩間都企滿晒人等緊位。而御泰坊就唔洗等位有得即刻入座，開頭都驚伏架但入到去又見坐滿晒人。
芒果軟殼蟹米紙卷依個真係好難食！一上枱已經覺得賣相麻麻，個皮好濕同隔離個舊痴埋一齊。放入口先恐怖，個軟殼蟹又淋又腥。腥既軟殼蟹真係第一次食，真係勁難食。點解可以拎d腥既軟殼蟹比人食。
青木瓜豬頸肉沙律可能係食完腥既軟殼蟹，我覺得個青木瓜絲好好食，青木瓜又酸又辣又夠爽。不過豬頸肉麻麻，煎得過左火好硬。
炸蝦餅蝦餅熱辣辣，好明顯係即炸即上。但個蝦餅口感麻麻，好死實實咁唔夠彈牙。
好彩醒目叫左三樣野食咋，就算未飽都唔再叫。間野真係好難食冇下次！腥既軟殼蟹真係好有陰影。。
張貼
