影片
更多
2023-03-02
624 瀏覽
今日想靜靜哋搵嗰地方坐吓食啲嘢飲吓咖啡，咁啱搵到一條短短嘅保德街竟然有三間cafe，所以就去咗試新嘢😋地鐵站B2出口行上條小斜坡大約2、3分鐘就去到保德街。入到去第一間就見到鋪頭走工業風嘅Dear Neighbor，見到餐牌有啡飲又有嘢食就入咗去試試。鋪頭環境唔錯，地方唔算大，不過有兩層，我大概兩點去到下面個層都full full哋，好彩bar枱有位我先唔洗等就有得坐。🤩入到去年輕男店主就好熱情咁介紹今日有咩食同有咩飲，我見可以叫意粉加$20有一杯Latte，所以就叫咗一個set試吓！菠菜煙三文魚忌廉意粉（$95）意粉我叫咗菠菜煙三文魚忌廉意粉，難得係香港cafe食到真· Al dente 嘅意粉，唔係偏軟無口感嘅，真心覺得好食，而且煙三文魚都有唔少，唔係得一兩片，忌廉汁都收得夠乾唔太鹹，質素上對得起$95呢個價格。Latte (跟餐$20）飲品我就叫咗Latte，跟餐只要$20有高質咖啡飲真係物超所值，咖啡烘烤味好出，唔會太苦，係我鍾意嘅Latte味道。店內環境好舒服，雖然店主同店員都好熱情，不過你食緊嘢嘅時候都唔會不停搵你傾偈，係好容易就可以Hea足成個鐘嘅舖頭，而且好難得店主會好
地鐵站B2出口行上條小斜坡大約2、3分鐘就去到保德街。入到去第一間就見到鋪頭走工業風嘅Dear Neighbor，見到餐牌有啡飲又有嘢食就入咗去試試。
鋪頭環境唔錯，地方唔算大，不過有兩層，我大概兩點去到下面個層都full full哋，好彩bar枱有位我先唔洗等就有得坐。🤩
入到去年輕男店主就好熱情咁介紹今日有咩食同有咩飲，我見可以叫意粉加$20有一杯Latte，所以就叫咗一個set試吓！
菠菜煙三文魚忌廉意粉（$95）
意粉我叫咗菠菜煙三文魚忌廉意粉，難得係香港cafe食到真· Al dente 嘅意粉，唔係偏軟無口感嘅，真心覺得好食，而且煙三文魚都有唔少，唔係得一兩片，忌廉汁都收得夠乾唔太鹹，質素上對得起$95呢個價格。
Latte (跟餐$20）飲品我就叫咗Latte，跟餐只要$20有高質咖啡飲真係物超所值，咖啡烘烤味好出，唔會太苦，係我鍾意嘅Latte味道。
店內環境好舒服，雖然店主同店員都好熱情，不過你食緊嘢嘅時候都唔會不停搵你傾偈，係好容易就可以Hea足成個鐘嘅舖頭，而且好難得店主會好主動咁問你嘢食啱唔啱口味，睇得出店主好有心搞咖啡店。店主話佢哋仲有好多特色咖啡好似Hojicha Chocolate Latte同Honey Latte，下次有機會一定要試試！
張貼
