老媽拌麵 (將軍澳中心)

營業中

休息中

屋企樓下來來去去都係食嗰幾間餐廳，咁啱經過見到老媽拌麵原來出左小菜，價錢都係幾十蚊同茶餐廳差唔多，一於試吓。套餐加$22可以點多個小食，先來小食點左碟台灣腸，同埋麻辣豬耳，麻辣豬耳切到幼幼的，配埋青瓜一齊食，辣辣地特別開胃。黎到呢度始終都要食一碗拌麵，味道依舊唔錯，重點係份量非常足，好大碗。水果咕嚕肉食得出啖啖肉，新鮮炸起，脆卜卜熱辣辣，味道酸酸甜甜特別開胃，配埋白飯食一流，份量依然都係好多，咕嚕肉好大碟，連碗飯都特別滿。另外，除咗可以飲到珍珠奶茶，同埋水果茶，仲可以加多少少錢可以食到台式甜品，小朋友食得最滿足，不過又真係幾好味。