Lúa (已結業)

我越南嘢由細食都大，諗住咁多正評，走去試吓新嘢買咗外賣，點知中晒伏。要咗八樣嘢，四個人都唔夠食，份量超小小小小小，豬肉蝦柚子沙律，無豬肉（有二、三片長三至五mm嘅）冇乜柚子丶蝦鞋過你鞋底，超過八成都係紅蘿蔔絲同青瓜絲（淨係呢兩樣嘢係正常嘅）。豬肉蛋餅飯啲豬肉薄過紙，蛋餅好難食，春卷的話出邊街邊嗰啲雪藏嘢一定好過佢好多，燒牛串普通，牛河兩種都算一般，粉卷同撈檬都幾好食。不過一定冇下次，真係唔明點解咁多好評。大家要試新嘢就要諗吓先。