📍荃灣楊屋道1號荃新天地一樓116號舖
1. 蟹柳沙律🦀
蟹柳沙律嘅份量真係好多，一見到就好開心，本人特別喜愛食蟹柳，見到真係超級滿足。喺蟹柳嘅上面仲放咗好多蟹籽，加埋沙律醬同生菜嚟食真係天衣無縫。
2. 炸軟殼蟹天婦羅🦀
外脆內軟嘅軟殼蟹天婦羅，外表被炸到金黃色，
原隻軟殼蟹上碟，拎嚟打卡真係一流。裏面嘅部份肥美鮮甜，十分可口。
3. 椒鹽雞腎（2串）🐣
雞腎咬落去好爽脆，椒鹽嘅味道好出，有少少辣辣地。唔好睇佢好似細細粒，得兩點串咁，其實份量啱啱好，最啱就係做下酒菜。
4. 富士山🗻
富士山真係名不虛傳，一見到佢就覺得好有氣勢。佢嘅外表係滿滿既蟹柳同蟹子，上面仲有啲脆脆同鰻魚汁，裏面嘅卷物係牛油果同鰻魚，味道酸酸甜甜為主，口感好豐富，而且不會覺得膩。
5. 煙花(6件)🧨
佢哋卷物嘅材料真係好足料，有辣味吞拿魚蓉喺上面，裏面捲着嘅係辣味三文魚，上面仲放咗一啲脆脆同蟹籽，食起上嚟更有層次。
環境：💛💛💛💛🤍4/5
衛生：💛💛💛💛💛5/5
食物：💛💛💛💛💛5/5
價錢：💛💛💛💛💛5/5（$397/2=💰198.5）
P.S. 既然今日嚟到荃灣同朋友行街街，就當然順便食埋一個靚午餐。咁岩想食壽司嘅我，見到附近有呢一間日式餐廳就決定入去。佢哋嘅地方環境好舒服，我啱啱好坐喺玻璃嘅旁邊，唔單止可以欣賞佢哋咁有心機嘅擺碟仲可以欣賞佢餐廳嘅風景，真係好滿足。
