雲南啊老表黑山羊湯鍋米綫 (已結業)

今日食左間好好食的羊肉米線忍唔住要同大家分享。今日行開尖沙咀見到有間舖頭的名好有趣，叫「雲南啊老表黑山羊湯鍋米線」。俾個名吸引左之下就同朋友膽粗粗入去試下啦。(好彩果時因好奇而入左去，好好食!)可能時間仲早，入到去發現間舖唔算多人，不過就好乾淨企理。間舖個名叫得做羊湯鍋米線就更係要叫羊肉米線啦! 朋友唔食羊就叫左個豬頸肉米線。叫的時候佢問我地要大定細，一問之下原來個大碗係大到可以2個人share果款，唔食羊的朋友即刻話細碗就得。我地仲叫左青瓜同土豆絲做小食。無幾耐羊肉米線就到左, 叫左清湯的我即刻試下佢個湯啦。依? 點解辣既? 原來係D酸菜辣，再試下無酸菜果邊的湯，又幾好飲，D羊肉好淋又有羊味，連我果個唔食羊的朋友都接受到。之後小食到, 勁大碟! 最後朋友碗米線都到埋, 偷飲左佢一啖湯, 都幾夠咪，好飲!不過食到最後我地都好飽，碗米線份量原本已經唔細, 估唔到佢的小食咁大碟，真係飽到上心口。