牛陣 (德福廣場1期)

營業中

休息中

今日經過九龍灣，好想食牛肉火鍋。就去左尼間位於德福廣場既牛陣火鍋。任飲任食食足90分鐘。我地點左$179嚴選牛肉。買單每人200$有找。好。講番有咩食先。佢入面既款式唔算多但貴於精。佢有平時任食火鍋的配料，大家都可以係相到睇到。所以我都唔多講。但有一點要必提的，尼間牛陣有好多特別蔬菜選擇。有我最愛的羽衣甘藍。羽衣甘藍含有豐富維他命。100克羽衣甘藍含有4克纖維，多過2個橙，屬於高纖食品。任食羽衣甘藍真係好開心。仲有另一款特別蔬菜係冰菜。平時餐廳比較少尼兩款蔬菜。所以鐘意食蔬菜既朋友仔，尼間真係選擇之一。所以係尼到加左好多分😍😍😍講番牛肉，我地用$179買既牛肉。唔好預左真係好好食。可以入口，唔難食，又飲食。算係甘啦。如果你真係對牛肉有要求，可以選擇$179以上的套餐。仲有，佢個甜品係haagen dazs雪糕。有好多款味道，花生，朱古力，雲尼拿曲奇🍪等。鐘意食雪糕既朋友仔，尼到又係必選之一呀。而我本身對雪糕麻麻地，所以都係鐘意食乳酪雪糕。