影片
更多
2024-03-31
219 瀏覽
十世冇食過日式放題同媽咪旺角行街經開，試試佢平日午市$238/位，任食兩小時有成77款食物任君order🤩簡單手機落單，可以不停encore另外出邊有沙律吧、冷盤吧、熱葷、爆谷、炸物同大量甜品、飲品 (有梅酒)，真係眼闊肚窄啦▶️ 冷盤真係要咩有咩，包羅萬有，不過有啲都唔太吸引🙈唔夠膽食食咗醃蘿蔔同螺肉味道正常，當開開胃▶️ 刺身- 嚟到梗係食爆刺身！✔️阿根廷赤大蝦：珍寶size🦐連頭連尾口感黏黏地，味道新鮮，蝦頭有蝦膏，我一個人起碼食咗八隻～✔️北海道帶子：必點之一，雖然不算鮮甜，但口感唔錯，狂點➖挪威三文魚：色澤紅潤，但略嫌韌咗啲同欠缺魚油香味✔️油甘魚：比三文魚好食，軟腍唔韌▶️ 火炙壽司✔️ 特濃芝士醬燒皇帝蟹棒壽司：一條長長嘅蟹柳，上面放上車打芝士醬蟹柳一絲絲肉，車打芝士醬香濃而唔漏🧀帶少少鹹香，好夾味壽司飯質感OK，唔鬆散，米飯唔乾身，比例好唔會太大值得一試✖️火炙三文魚比較一般，三文魚唔夠炙燒▶️ 軍艦✔️ 蟹籽軍艦經典款式(純粹自己鍾意食haha)，勝在多蟹籽▶️ 手卷✔️ 海膽手卷係一口手卷size，好得意賣相亦靚仔，好似omakase咁面頭海膽似膏狀，味道可以▶️ 卷物｜創作精選✔️榴槤加州
同媽咪旺角行街經開，試試佢
平日午市$238/位，任食兩小時
有成77款食物任君order🤩
簡單手機落單，可以不停encore
另外出邊有沙律吧、冷盤吧、熱葷、爆谷、炸物同大量甜品、飲品 (有梅酒)，真係眼闊肚窄啦
▶️ 冷盤
真係要咩有咩，包羅萬有，不過有啲都唔太吸引🙈唔夠膽食
食咗醃蘿蔔同螺肉
味道正常，當開開胃
▶️ 刺身- 嚟到梗係食爆刺身！
✔️阿根廷赤大蝦：珍寶size🦐連頭連尾
口感黏黏地，味道新鮮，蝦頭有蝦膏，我一個人起碼食咗八隻～
✔️北海道帶子：必點之一，雖然不算鮮甜，但口感唔錯，狂點
➖挪威三文魚：色澤紅潤，但略嫌韌咗啲同欠缺魚油香味
✔️油甘魚：比三文魚好食，軟腍唔韌
刺身
25 瀏覽
0 讚好
0 留言
▶️ 火炙壽司
✔️ 特濃芝士醬燒皇帝蟹棒壽司：
一條長長嘅蟹柳，上面放上車打芝士醬
蟹柳一絲絲肉，車打芝士醬香濃而唔漏🧀帶少少鹹香，好夾味
壽司飯質感OK，唔鬆散，米飯唔乾身，比例好唔會太大
值得一試
✖️火炙三文魚
比較一般，三文魚唔夠炙燒
▶️ 軍艦
✔️ 蟹籽軍艦
經典款式(純粹自己鍾意食haha)，勝在多蟹籽
▶️ 手卷
✔️ 海膽手卷
係一口手卷size，好得意
賣相亦靚仔，好似omakase咁
面頭海膽似膏狀，味道可以
▶️ 卷物｜創作精選
✔️榴槤加州卷
一堆榴槤蓉起面，有夠創新特別👍🏻
✔️ 芝士鰻魚卷
好靚仔，除咗中間軟芝士，五層仲有塊芝士🧀
➖牛油果蟹肉他他
呢個賣相差啲🙈蟹肉較少，配牛油果蓉同蕃茄
➖龍蝦三色塔
唔好期望太多hehe
➖花之戀
比一般細粒，正正常常
卷物壽司
10 瀏覽
0 讚好
0 留言
▶️ 廚師推介
✔️蒜香蛤蜊卜卜蜆鍋
幾大煲喎，可以兩人分
湯底超重蒜蓉香味，鹹中帶鮮甜味
另外仲有辣椒，都有啲辣🌶️
鍾意佢落埋芫荽，令湯底更香
卜卜蜆新鮮，冇沙👍🏻
配菜仲有索湯嘅娃娃菜
推介❤️🔥
蒜香蛤蜊卜卜蜆鍋
4 瀏覽
0 讚好
0 留言
✖️御品鮑汁燴花膠
聽個名好高級，賣相就差啲啦
鮑汁偏淡味，花膠得一片而且淋得滯，唔太推介🙅🏻♀️
➖上湯菜心
健康之選🥬用蒜頭炒過，味道清清地
菜心大條粗框，青翠
御品鮑汁燴花膠
5 瀏覽
0 讚好
0 留言
▶️ 燒物
✔️馬來西亞燒榴槤
可以揀燒或冷食
烤完嘅榴槤外皮變硬，形成一層膜 (好似雙皮奶層皮咁)😋
估唔到佢幾有肉地，唔係得舊核
香濃榴槤味而且夠熟夠甜
唔係榴槤控嘅我都覺得好食，絕對值得encore❤️🔥
馬來西亞燒榴槤
4 瀏覽
0 讚好
0 留言
✔️ 蒜蓉燒生蠔
✔️ 西京比目魚
兩個都燒得唔錯，比目魚幾大件，多肉少骨
出邊食好貴，值得一試
✔️ 蒲燒鰻魚
細細件但好食🐟
蒲燒份量適當，肉質遍實爽彈
然而外皮黏身且冇幼骨
燒物
5 瀏覽
0 讚好
0 留言
▶️ 串燒
✔️燒有機菠蘿
看似正常乾身🍍食落卻好鮮甜多汁
➖鹽燒雞軟骨
唔會太硬，咬落好爽脆
略嫌調味淡，冇鹽燒味
✖️鹽燒海蝦
見隔籬枱叫，望落吸引
味道卻令我失望，海蝦食落好腥，安全起見，唔推介🙅🏻♀️
串燒
4 瀏覽
0 讚好
0 留言
▶️ 炸物
➖ 燒八爪魚丸
原來一份係一粒😂
純粹叫黎止下癮，唔好同外面比
好係唔多醬汁，冇咁邪惡
▶️ 甜品
有本身提供嘅蛋糕甜品，例如cheesecake、tiramisu、和菓子、牛油曲奇、macaron、迷你泡芙、生果等
亦有牛奶布甸、焦糖布甸、雀巢乳酪
➖迷你芝士蛋糕
有餅底㗎！整體唔甜，芝士厚實
一啖仔所以唔膩，味道一般
不過我加落雪糕食就好正🤤
✖️牛奶布甸
純粹好奇試吓🥛質感還可以
但味道偏甜且欠缺奶香味
✔️Häagen-Dazs雪糕
一定要食啦掛，仲要係我最鍾意嘅抹茶口味💚
寫話每人限攞一杯 (但好似冇人check🤫)
✔️雀巢芝士奶蓋桃茶味甜筒
算係新出口味，第一次試
奶蓋味香濃，桃茶味相對淡
食甜筒主要都係為咗個筒🍦好脆口！
甜品
3 瀏覽
0 讚好
0 留言
-
食物味道有好有唔好食，整體比預期高質
推介刺身、馬來西亞烤榴槤、卜卜蜆🏆
然而壽司卷物唔錯👍🏻可能同壽司郎有得揮 (呢度無限任叫，抵食啦)，尤其鍾意款式夠多又創新
食得落真係食多幾個甜筒雪條雪糕🍧 款式超多(見到佢有阿波羅鯛魚脆香蕉朱古力雪糕好似幾得意又幾伏🤭)
最好係食物可以一件一件咁點，唔驚食唔晒浪費(我哋好乖全部食晒㗎😉)
環境坐得舒服，鋪面大所以感覺空曠，衛生望落OK
用QR code落單方便，食物落完即上，唔會拖住，兩個鐘夠食
店員會不斷收碟，唔驚成枱滿晒冇位放
性價比高，計埋加一只係$260/人, 好快可以值回票價🤰🏻食到好飽
間唔時食吓好開心好滿足！
張貼
