三公台灣料理 (已結業)

台式料理就食得多，台式火鍋就比較少食，一般印象都係比較精緻高檔嘅路線。係旺角呢間三公就有平價嘅台式火鍋🤑可以食到台灣手切溫體牛，仲可以同港式元素crossover嚟個沙嗲牛火鍋🤪加$33仲可以有60分鐘任叫任食溫體牛，啱晒牛魔王同重口味人仕😎夜晚20:30後仲有超抵優惠🤑🤑$288食到原價$368嘅2人岩漿沙嗲温體牛肉火鍋，人均$200都唔使，係呢個經濟底下真係照顧到大家口腹之慾同荷包🥰晚市都幾旺場會排隊🤓🤓🫕極品級台灣温體牛火鍋套餐（二人）岩漿沙嗲鍋／三公牛全盛／古早味牛骨湯／麻辣牛血鍋／養生藥膳鍋 湯底有幾款選擇，作為香港人梗係要試吓特濃沙嗲鍋😆加埋牛肉，即刻有沙爹牛麵風味。湯底真係濃到癲，滾到好似岩漿咁🤣配各樣食材都好掛汁💦味道有少少花生味，香濃但唔會太鹹，可以自己加湯再調較。🥩台灣温體牛溫體牛即係前一晚宰割，未經雪藏，第二日直接運到，保持牛肉新鮮度👍🏻👍🏻呢個套餐第一輪先嚟三種部位牛肉，呢日我就食到牛頸脊、牛嫩肉、牛菲力。另外加$33就可以任叫60分鐘，可以點埋牛莎朗，每盤份量都幾多🤩牛頸脊同牛嫩肉特點係肉質較瘦，比較有咬口，肉味香。牛菲力即係牛柳，牛莎朗即係西冷，兩款都較爽口