影片
更多
2023-11-07
121 瀏覽
日式燒肉加上甜醬油嗰種味道真係食極都唔厭，今次嚟咗呢間120分鐘任食日式燒肉放題，可以無限追加刺身，食物選擇花多眼亂，款式多到試唔晒，好抵食！餐廳裏面有卡位有吧枱，都幾闊落，抽氣亦都做得幾好，食完都唔會好大浸油煙味。每位顧客都會送海鮮拼盤一份，裏面有蠔、甲羅燒、扇貝同大蝦，店員仲會過嚟幫你打開蠔殼，好貼心抵讚！------------------------------🥓◖尊貴和牛放題◗ $458佢有三個放題可以揀，今次揀咗呢個最貴嘅，有120分鐘可以任食和牛同放題食物，仲有刺身壽司可以揀，無酒精飲品同罐裝啤酒都任飲，夠晒滿足！/肉類🥩呢個放題有有日本唔同產地嘅和牛可以任食，而且部位選擇都幾多，平時聽開嘅飛驒牛都有！和牛油花豐富分布均勻，食落滿滿嘅油香，牛味超濃郁！基本嘅肉類雞牛豚肉都有，但係肉類方面一啲都唔Hea，品質幾好肉味都好夠，特別鍾意佢有汁燒牛肉薄片，燒過嘅醬汁加上濃郁嘅牛味，正！就算唔食和牛放題，直接食佢普通個餐入面嘅牛肉燒肉都夠！🔖個人建議試少少油花豐富嘅，剩低食返啲偏瘦少少，唔係就好容易漏，食唔落其他靚牛了！️/刺身🦐佢有刺身、壽司同手卷可以叫，刺身款式都係差唔多，有三文
------------------------------
🥓◖尊貴和牛放題◗ $458
佢有三個放題可以揀，今次揀咗呢個最貴嘅，有120分鐘可以任食和牛同放題食物，仲有刺身壽司可以揀，無酒精飲品同罐裝啤酒都任飲，夠晒滿足！
/肉類🥩
呢個放題有有日本唔同產地嘅和牛可以任食，而且部位選擇都幾多，平時聽開嘅飛驒牛都有！和牛油花豐富分布均勻，食落滿滿嘅油香，牛味超濃郁！基本嘅肉類雞牛豚肉都有，但係肉類方面一啲都唔Hea，品質幾好肉味都好夠，特別鍾意佢有汁燒牛肉薄片，燒過嘅醬汁加上濃郁嘅牛味，正！就算唔食和牛放題，直接食佢普通個餐入面嘅牛肉燒肉都夠！🔖個人建議試少少油花豐富嘅，剩低食返啲偏瘦少少，唔係就好容易漏，食唔落其他靚牛了！
️/刺身🦐
佢有刺身、壽司同手卷可以叫，刺身款式都係差唔多，有三文魚、吞拿魚、北寄貝、希靈魚、赤貝、赤蝦、帶子，味道都幾鮮甜！個人不斷encore佢個帶子、赤貝同赤蝦～而家做緊推廣，只要like+share佢哋個page，每位仲會送多一隻伊勢生蠔🦪，爽脆鮮甜！
️/配料🍍
普通燒烤嘅嘢應有盡有，可以叫返啲蔬菜類中和返燒肉嘅油膩感，好似車厘茄、菠蘿、日本甜薯、冬菇嗰啲，都幾啱燒烤，特別係菠蘿，燒完出嚟真係又香又甜，仲可以消下滯！
/小食🍘
小食方面同日式放題好似，有好多炸物，好似雞翼、雙皮奶、雞軟骨、榴槤波波呢啲，全部都好吸引！🤩另外仲有啲主食類可以試，有湯烏冬同埋幾款一品料理，特別推薦佢個溫泉蛋飯，撈晒醬油，加上蛋漿同紫菜，甜甜地，配燒肉一流！
/飲品甜品🍨
飲品係自助形式，有自製樽仔冷泡茶🍵、同埋其他茶飲汽水；甜品就冇乜可以選擇，只有雪糕可以揀，建議可以留返啲quota食多啲牛～
🌟Encore指數：9.2/10
張貼
