影片
更多
2022-11-07
366 瀏覽
疫情期間好多人都鍾意去酒店食嘢，如果撞上生日，梗係想去啲有生日優惠嘅酒店食餐好㗎啦。咁啱半島酒店做緊買四送一生日晚餐，所以就book咗枱。（ 佢都做到好似幾搶手㗎，一打去話係waiting list，雖然去到最後都唔似坐滿，都唔知佢真定假）我諗香港人大概都知道佢係乜嘢排場，食物質素點樣。幾年前的確係見過佢啲食物質素曾經有變化，但係今次又食得返以前覺得半島酒店應有的水準。另外想重點提及佢裝修過之後，感覺乾淨咗，而且仲係咁有氣派。有d可惜嘅係，有好多名店(雖然我都唔會特別咗入去睇)都關門大吉，如果行完兩步去睇商場，就唔好期望好多嘢睇，有d唏噓。環境方面最鍾意現場嘅音樂。有人彈琴唱歌同埋演奏其他樂器，好溫馨好relaxing。同以前唔同嘅係bell boys而家都清一色變咗本地人，唔知啲外國人而家去咗邊度lu。侍應亦都係比較多年青嘅本地人，亦都唔知係唔係資深嘅侍應都要辭鄉歸故里lu。服務唔會好似以前啲老手咁高明㗎啦，但係都算係親切有禮嘅。食物方面，如果嫌前菜主菜分量太細嘅話，餐茶可以要熱茶，因為佢會不停refill比你，一定填滿你個肚。不過，唔知係咪廚房唔夠人，我哋嘅主菜等咗一個鐘先到，而啲
我諗香港人大概都知道佢係乜嘢排場，食物質素點樣。幾年前的確係見過佢啲食物質素曾經有變化，但係今次又食得返以前覺得半島酒店應有的水準。另外想重點提及佢裝修過之後，感覺乾淨咗，而且仲係咁有氣派。有d可惜嘅係，有好多名店(雖然我都唔會特別咗入去睇)都關門大吉，如果行完兩步去睇商場，就唔好期望好多嘢睇，有d唏噓。
環境方面最鍾意現場嘅音樂。有人彈琴唱歌同埋演奏其他樂器，好溫馨好relaxing。同以前唔同嘅係bell boys而家都清一色變咗本地人，唔知啲外國人而家去咗邊度lu。侍應亦都係比較多年青嘅本地人，亦都唔知係唔係資深嘅侍應都要辭鄉歸故里lu。服務唔會好似以前啲老手咁高明㗎啦，但係都算係親切有禮嘅。
食物方面，如果嫌前菜主菜分量太細嘅話，餐茶可以要熱茶，因為佢會不停refill比你，一定填滿你個肚。不過，唔知係咪廚房唔夠人，我哋嘅主菜等咗一個鐘先到，而啲侍應不停用麵包得飽我哋個肚。因為今晚個環境實在太好，而且我屋企人就在太鍾意不停影相，所以食物遲到都冇影響我哋心情。
黎親酒店都預咗最鍾意嘅係甜品，唔似其他熟食，同出邊唔會話極大分別(而且酒店啲份量又細，哈哈)。最鍾意呢度啲蛋糕，好實心，唔會輕飄飄，口感又做得豐富，甜酸啱啱好，而且唔係求其同送嘅生日蛋糕同一款。
如果你要求唔係太嚴格嘅話， 可以把握最後機會喺度食生日晚餐。
張貼
