李家 (已結業)

話說我晚上2200左右係旺角搵野食,因為落緊大雨既關係,十分狼狽,所以諗著求其係附近搵d野食算數,見到依間李家,諗著新開就試下啦,上到去,有兩三枱客係度,我坐張枱可以望到廚房門口既,佢鋪頭燈光好暗,又不停超大聲咁播放韓文歌,但間間鋪頭style都唔同,所以都算啦。去到點餐,個服務員態度已經唔係好,咁我點左一個芝士辣雞炒年糕($160),一個蜂蜜蒜蓉炸雞($180)同一個烏冬麵($50),落單之後,時間一分一秒咁過去,已經過左30分鐘,終於都有人幫我地加水,咁我忍唔著就問佢...嘜真係要等咁耐既咩,佢答我係架,之後我見佢行左入廚房,唔知講d咩,我心諗佢地9成漏單啦,之後過左5分鐘佢上左個烏冬麵比我,我一望...又細又小,仲要唔太好味,之後過多5分鐘,個芝士辣雞炒年糕都黎啦,食落d雞好硬,整體都唔太好食,再過左5分鐘,幫我落order個服務員問我地野食黎齊未,我話未,仲差個蜂蜜蒜蓉炸雞,佢個樣呆左,我就同佢講未整就幫我取消左佢,佢答我好,之後我見佢去左係張單度寫野,咁諗著野間野咁,快d食埋快d走啦。點知叫人埋單,黎到有張白紙上面寫著$459蚊,我話你地點計架,可以比張單我睇下嗎,佢竟然同我