影片
更多
2022-07-20
84 瀏覽
朋友介紹呢間海鮮火鍋放題，話好抵食。今日終於大開眼界。自從好景商場失去那令人懷緬的聲音後，我已不知多少年冇踏足過登打士街。感覺那裡的食店都係人多擠迫，環境欠佳。但阿爺八鮮鍋地方寬敞衛生，冷氣充足，就算宜家大熱天時都唔會食到身水身汗。食物方面，簡直顛覆我對火鍋放題的想像。先來飲個湯同小食，鹽燒鯖魚，味道唔錯。之後刺身出場，我初初諗最多咪好似一般放題舖咁，點知來到真係嚇一跳。我地只係2 個人，圖片說明一切。象拔蚌超甜。三文魚肥過林雪。食完我地到飽左一半。之後再來個雞煲。份量細細地，但雞件一D都唔細，仲啖啖用，好入味。唔夠可以refill，但我地要留肚食海鮮，所以冇追加。海鮮會先來一個一次性的併盤。內容見圖。樣樣都好生鮮，鮑魚仲郁郁緊。食晒堆海鮮。另一半已話好飽。但我點會放過鮑魚蟶子任食的機會呢?之後再追加的一樣新鮮。係有一兩隻有好少沙。正常啦，我自己係屋企食蒸海鮮都唔敢講百分百冇沙。我出名個肚易作動，至少食完一晚過後，我依然精神奕奕咁返工。其他配料都唔錯，但由於太飽，所以只叫左以下幾樣。牛肉望落一般，但牛味好濃。最開心係有雞腸。仲有女人補血良品 — 豬腰豬潤。蔬菜有萵荀，甜到非常。之前見有
食物方面，簡直顛覆我對火鍋放題的想像。先來飲個湯同小食，鹽燒鯖魚，味道唔錯。之後刺身出場，我初初諗最多咪好似一般放題舖咁，點知來到真係嚇一跳。我地只係2 個人，圖片說明一切。象拔蚌超甜。三文魚肥過林雪。食完我地到飽左一半。
之後再來個雞煲。
份量細細地，但雞件一D都唔細，仲啖啖用，好入味。唔夠可以refill，但我地要留肚食海鮮，所以冇追加。海鮮會先來一個一次性的併盤。內容見圖。樣樣都好生鮮，鮑魚仲郁郁緊。食晒堆海鮮。另一半已話好飽。但我點會放過鮑魚蟶子任食的機會呢?之後再追加的一樣新鮮。係有一兩隻有好少沙。正常啦，我自己係屋企食蒸海鮮都唔敢講百分百冇沙。我出名個肚易作動，至少食完一晚過後，我依然精神奕奕咁返工。其他配料都唔錯，但由於太飽，所以只叫左以下幾樣。牛肉望落一般，但牛味好濃。最開心係有雞腸。仲有女人補血良品 — 豬腰豬潤。蔬菜有萵荀，甜到非常。之前見有食評話每次來2片。我地又見唔係喎，我諗店家見到COMMENT有改善。
服務方面又係好特別。一入去覺得好重江湖味。中間個枱有個金毛大漢自己係到蒸成枱燒賣同丸。好明顯佢係老細啦。當時只得我地一枱，佢一路試丸一路爆粗鬧D燒賣同丸質素唔得。另一半除左佢自己講之外，本身好介意人地爆粗。但個刻佢竟然面帶笑容咁話「我覺得佢似暴龍哥」。一聽到呢個形容，開心的感覺返晒來。以為老細粗聲粗氣一定係燥底咩?錯了，對客非常細心，經常指示伙計主動招呼每一枱。收碟出餸都超級快手。另一半更話後面個枱有老人家，「暴龍哥」會主動自己去招呼介紹。老人家話冷氣凍，佢即刻叫人熄細D。所以呢，真係唔好以貌取人。講粗口唔代表係壞人，所謂仗義每多海鮮佬。君不見呢個世界滿佈衣冠動物咩?
最後，另一半參觀埋個廁所，非常乾淨。咁啱撞到暴龍哥入來痾尿，佢竟然同另一半講唔好意思，因為廁所個冷氣壞左，所以熱到X街，師傅已經到左準備整。大佬果然係大佬!連個客如廁的溫度都顧及埋。
個場如果可以做埋任飲酒Package就一流!最後發現，原來周不時有定期優惠，尋晚係$88象拔蚌任食。下次一定要試!!!!!
張貼
