影片
更多
2022-11-08
45 瀏覽
今日同朋友中午出銅鑼灣行街，時代廣場嘅食通天，出名多嘢食，今日就四圍兜下，睇吓有咩啱食，行過呢間中菜店，氣派十足，環境裝修好高級，但價錢又唔係好貴，所以就入去試吓環境非常高級，以卡位為主，好啱一大班朋友過嚟飲茶傾偈，中午除咗點心仲有小菜，適合唔同人士需要✨即燒無花果天下第一豬（例）$348見到門口有個大大嘅燒爐，寫住天下第一豬，對依碟乳豬可以話係相當期待，一碟有六件，擺盤相當精美，乳豬皮入口鬆化，脂肪不太多，肥瘦分明，肉質嫩滑，配無花果醬，醬汁酸酸甜甜同乳豬好夾，可以中和一下油膩感✨灌湯豚肉小籠包$44小籠包皮非常薄，一啖咬落去，裏面充滿肉汁，豬肉肥瘦適中✨干蒸牛肉燒賣$68有少少似山竹牛肉嘅感覺，但係用雲吞皮包住，皮薄餡靚，牛肉裡面加咗馬蹄，食落嗦嗦聲，特別滋味✨香煎原味蘿蔔糕$68蘿蔔糕有四大件，煎到四面金黃色，一咬開裏面充滿蘿蔔絲，一條條非常足料，裏面亦都好多臘味和冬菇粒，提升蘿蔔糕嘅香味✨通心脆脆卷$68食齋嘅人最適合嘅呢個菜，因為係素春卷，春卷皮炸到好香脆，一咬落去索索聲，餡料好多蔬菜絲，非常足料✨瓦罉啫啫唐生菜🥬$108一上菜嘅時候，瓦煲熱力十足，侍應喺你面前翻炒唐生菜🥬，
環境非常高級，以卡位為主，好啱一大班朋友過嚟飲茶傾偈，中午除咗點心仲有小菜，適合唔同人士需要
✨即燒無花果天下第一豬（例）$348
見到門口有個大大嘅燒爐，寫住天下第一豬，對依碟乳豬可以話係相當期待，一碟有六件，擺盤相當精美，乳豬皮入口鬆化，脂肪不太多，肥瘦分明，肉質嫩滑，配無花果醬，醬汁酸酸甜甜同乳豬好夾，可以中和一下油膩感
✨灌湯豚肉小籠包$44
小籠包皮非常薄，一啖咬落去，裏面充滿肉汁，豬肉肥瘦適中
✨干蒸牛肉燒賣$68
有少少似山竹牛肉嘅感覺，但係用雲吞皮包住，皮薄餡靚，牛肉裡面加咗馬蹄，食落嗦嗦聲，特別滋味
✨香煎原味蘿蔔糕$68
蘿蔔糕有四大件，煎到四面金黃色，一咬開裏面充滿蘿蔔絲，一條條非常足料，裏面亦都好多臘味和冬菇粒，提升蘿蔔糕嘅香味
✨通心脆脆卷$68
食齋嘅人最適合嘅呢個菜，因為係素春卷，春卷皮炸到好香脆，一咬落去索索聲，餡料好多蔬菜絲，非常足料
✨瓦罉啫啫唐生菜🥬$108
一上菜嘅時候，瓦煲熱力十足，侍應喺你面前翻炒唐生菜🥬，醬汁嘅香味四溢，連隔籬枱聞到都望過嚟，翻炒完唐生菜仲好鮮嫩，仲有好多蝦米同肉碎係底，所以先會咁香
張貼
