壹點甜粵點專門店

營業中

休息中

已經唔係第一次幫襯哩間點心店，食左幾次先寫食評。雖然間店門面唔大，而且又細間，但點心令人驚喜！糯米雞d糯米飯係白色架，唔似出面d糯米雞咁成pat汁，燒賣係用蝦膠做，連最普通嘅潮洲粉都好有心機整，d皮超薄而且料夠，同樣腸粉d皮都好滑好薄，蝦餃就更加唔洗介紹啦！相信d點心係佢地自家制，唔似人地囉貨黎賣，點心水準好過好多大酒樓。缺點係間店鋪細左d，好易坐滿，大約得二十多個位，另外佢地真係即叫即蒸，所以等候需時，等得耐唔好鬧老板，最后要小心佢地會錯單。