影片
更多
2017-12-27
817 瀏覽
喺深水埗買完嘢，想搵個無咁多人嘅地方坐底休息一下。咁橋喺搵地鐵站出口時望到呢間低調小店，門面同入面都好乾淨，深水埗嚟講真係屬企理嗰種。店員係一個年輕人，有禮而安靜。當時係5點，店內只有兩檯食客，其他人都係叫外賣，看來都有熟客仔。佢分三種煮法嘅餃子🥟1）蒸淨餃 2）煎餃 3）湯餃。 本身感冒緊，但因煎餃太吸引叫咗一碟雲耳椰菜豬肉餃。 本身對佢無咩期望，佢煎得唔算燶或有平時食其他舖頭嗰種金黃色（太子嘅美味餃子店係煎得好金黃，但皮勁厚）友記勝在睇到佢皮唔厚，包得靚，飽滿大隻。 關於味道：😍 佢隻隻都好足料，菜同肉嘅比例係好好，幾乎係一半一半，仲要有少少湯汁流出嚟，好似食緊小籠包咁嘅滿足感！（當然無小籠包咁多湯）配埋檯面嘅香醋，真係好好食。8隻餃只不過係 $35， 好抵食。各方面都好有驚喜，一定會介紹朋友嚟呢度食！
佢分三種煮法嘅餃子🥟1）蒸淨餃 2）煎餃 3）湯餃。
本身感冒緊，但因煎餃太吸引叫咗一碟雲耳椰菜豬肉餃。 本身對佢無咩期望，佢煎得唔算燶或有平時食其他舖頭嗰種金黃色（太子嘅美味餃子店係煎得好金黃，但皮勁厚）
友記勝在睇到佢皮唔厚，包得靚，飽滿大隻。
關於味道：
😍 佢隻隻都好足料，菜同肉嘅比例係好好，幾乎係一半一半，仲要有少少湯汁流出嚟，好似食緊小籠包咁嘅滿足感！（當然無小籠包咁多湯）配埋檯面嘅香醋，真係好好食。
8隻餃只不過係 $35， 好抵食。各方面都好有驚喜，一定會介紹朋友嚟呢度食！
張貼