影片
更多
2021-10-15
2473 瀏覽
作為鏡粉，星期日去咗銅鑼灣打卡，夜晚就順便喺度食埋飯。朋友提議食「Cafe Zense」，我認識呢間餐廳，但未幫襯過，因為試過Walk in上去冇位😳。我哋今次學精咗，預先訂定枱，餐廳週末主要分兩段用餐時間，分別係六點同八點入座。我哋六點左右去到，唔使半個鐘經已全場爆滿，超高人氣👏。作為一間樓上Cafe，佢簡直係令人眼前一亮✨。餐廳好識利用空間，即使面積唔大 ，但仍能夠擺放到唔少梳化座位，而且餐枱闊落，感覺讓人放鬆。同時，佢好似仲有室外部份添。整體而言，環境係好舒服同乾淨👍。泰式冬陰功大蝦意大利麵($108)，先唔講冬陰功口味有幾正，淨係講啲意粉都已經好有質素。🍝意粉處理得好好，口感彈牙，有嚼勁，並且唔易截斷。冬陰功味道突出，佢並無加入忌廉或椰奶中和，🌶所以辣度同酸度顯著，幾惹味。餸料方面好豐富，有四大隻新鮮爽口嘅剝殼蝦仁🦐，同埋大量配料如雜菇、洋蔥、三色椒、茄子、蒜蓉粒以及藏紅花等，每啖食都好多餸，滿足！鹽燒厚切牛脷($78)，牛脷賣相同想像中好唔同，因為呢碟嘅牛脷呈條狀👅。牛脷堅係厚切，所以食落有咬口，但同時肉質亦非常軟嫩，簡單用鹽調味已經好好食，滋味無窮🐮。伴旁仲有少量沙律菜，食
作為鏡粉，星期日去咗銅鑼灣打卡，夜晚就順便喺度食埋飯。朋友提議食「Cafe Zense」，我認識呢間餐廳，但未幫襯過，因為試過Walk in上去冇位😳。我哋今次學精咗，預先訂定枱，餐廳週末主要分兩段用餐時間，分別係六點同八點入座。我哋六點左右去到，唔使半個鐘經已全場爆滿，超高人氣👏。
作為一間樓上Cafe，佢簡直係令人眼前一亮✨。餐廳好識利用空間，即使面積唔大 ，但仍能夠擺放到唔少梳化座位，而且餐枱闊落，感覺讓人放鬆。同時，佢好似仲有室外部份添。整體而言，環境係好舒服同乾淨👍。
泰式冬陰功大蝦意大利麵
$108
78 瀏覽
0 讚好
0 留言
泰式冬陰功大蝦意大利麵($108)，先唔講冬陰功口味有幾正，淨係講啲意粉都已經好有質素。🍝意粉處理得好好，口感彈牙，有嚼勁，並且唔易截斷。冬陰功味道突出，佢並無加入忌廉或椰奶中和，🌶所以辣度同酸度顯著，幾惹味。餸料方面好豐富，有四大隻新鮮爽口嘅剝殼蝦仁🦐，同埋大量配料如雜菇、洋蔥、三色椒、茄子、蒜蓉粒以及藏紅花等，每啖食都好多餸，滿足！
鹽燒厚切牛脷
$78
68 瀏覽
0 讚好
0 留言
德式班戟伴冧酒脆糖香蕉
$88
65 瀏覽
1 讚好
0 留言
飲品方面，我哋要咗玉桂蘋果茶($44) 以及鮮奶抹茶($44)，有凍有熱可選。不過我哋唔記得咗嗌少甜，所以頭幾啖真係甜咗啲，但搞匀同溶緊少少冰後就正常返。🍎蘋果茶嘅玉桂味好出，所以微微甘。拿鐵都唔錯，牛奶細滑，抹茶淳香，唔會太苦🍵，好飲。
總括嚟講，Cafe Zense喺各方面都好出色，環境好係其一，更重要嘅係食物味道超有水準😋，唔輸蝕比高級西餐廳。可能我一直被「Cafe」一詞所影響，以為佢類同旺角嗰啲噏耷樓上鋪，所以唔敢抱太大期望，結果係完全相反，喜出望外。最後我仲留意到佢水吧上面幅畫，知道佢係撐香港人嘅小店💛，絕對值得推介✨。
張貼
