安平燒肉

營業中

休息中

💡 令人滿足既燒肉對於我尼個食肉獸黎講，燒肉就相當吸引。今次黎左旺角既安平燒肉，環境設計好有台灣特色，掛哂天燈，座位相當舒適，枱面空間大，可以放好多食物都唔怕。🍽 M5和牛吃到飽套餐澳洲M5牛肩胛肉同安格斯牛小排，肉味香濃，肉質鮮嫩，油脂亦相當均勻，我比較喜歡M5牛肩胛肉，肉味濃d，可以唔洗點醬油，直接食牛肉既原味。尼個套餐仲會送一份牛舌芯，厚切帶出口感，認真唔錯。🍽海鮮同樣出色尼個套餐先有得點虎蝦，並唔係普通蝦，而係虎蝦，真係相當驚喜。每隻都好新鮮，而且相當大隻，燒完一隻又一隻，食唔停。仲有原殼帆立貝，同樣新鮮。🍽特色食物除左牛肉同海鮮，其實仲有好多選擇，雞肉、豬肉當然唔少得，仲有一啲少見既台式食物，例如台灣腸、鹽酥雞、鴨舌、麻薯等，其中雞泡魚干就最岩送啤酒。🍽飲品任君選擇有各款汽水，同埋特色既茶，如桂花烏龍、菊花普洱、藍莓果茶等。我就好鍾意飲要點既百香果茶，酸酸甜甜特別開胃。Ps 係自助區仲可以整櫻花蝦伴飯，如果唔係要留肚食牛肉海鮮，我可以食兩大碗。