Cinnabon (東薈城名店倉)

營業中

休息中

今日入咗東涌outlet買嘢，一場嚟到，咁就梗係要幫一幫襯美國過江龍Cinnabon啦！已經食過好幾次，每次食完都覺得超滿足，好快又會掛住同想食。今日我同老婆買咗兩個肉桂卷：花生醬朱古力（每次都必定會揀的）同焦糖咖啡。花生醬朱古力係我同老婆嘅至愛，醬嘅味道好濃好香。一切開，啲醬爭住湧出嚟，見到都流晒口水。我同老婆都好嗜甜，所以覺得好好食😋，但老一輩可能會覺得甜得滯。焦糖咖啡應該係新出嘅，聽到個名都覺得好吸引。但食完有少少失望，雖然肉桂味比花生朱古力卷更加香濃，但個醬食落無咁有驚喜，同埋好似有少少燶咗嘅味，不過都係好食嘅。