影片
更多
2020-05-24
5669 瀏覽
昨晚與朋友原本4人相約喺油塘食飯，唔知食乜嘢好，就用 openrice搜下，見到呢間社企餐廳嘅食評很高分， 就訂位試下， 我哋七點半到，坐低後嗰個waiter話九點鐘打烊， 我哋都覺得冇問題， 便點咗個四人餐， 個餐除咗主食之外， 仲有任飲任食嘅湯、沙律同埋甜品，當時覺得几抵食，而且又係阿伯做Waiter，招呼都好熱情，應該要支持社企。當我哋去裝啲湯嗰陣時，就開始覺得中伏，所謂嘅素汤，同清水加鹽差不多，淡而無味，再睇個沙律bar，原來只得A菜(火箭菜)，腰豆，粟米粒， 牙菜，車厘茄， 醬汁也只得黑醋同千島酱，還好有碟仔酸木瓜送，木瓜酸甜度洽當，算係唔錯嘅飯前小食。约15分鐘，主菜上枱：洋蔥牛柳，水煮魚，婆婆羊扒，炒番薯苗，小炒王。洋蔥牛柳：牛柳有異味，未變壞， 但絕對唔新鮮而且乸到牛柳完全冇曬肉味，超難吃，成碟牛柳我哋只係食咗几块，大半碟冇人吃。水煮魚：汤油底都算係調得几香，但啲魚就不敢恭維了，落 單前曾經問過waiter， 話魚肉係石斑， 但食落絕對唔係，反而似係凍肉舖賣十几蚊/pack嘅鲶魚块，全冇魚鮮味。婆婆羊扒： 好騷同有啲韌，好彩我唔多怕騷，但朋友就吃唔到了。又係佳x凍肉舖貨
當我哋去裝啲湯嗰陣時，就開始覺得中伏，所謂嘅素汤，同清水加鹽差不多，淡而無味，再睇個沙律bar，原來只得A菜(火箭菜)，腰豆，粟米粒， 牙菜，車厘茄， 醬汁也只得黑醋同千島酱，還好有碟仔酸木瓜送，木瓜酸甜度洽當，算係唔錯嘅飯前小食。
约15分鐘，主菜上枱：洋蔥牛柳，水煮魚，婆婆羊扒，炒番薯苗，小炒王。
洋蔥牛柳：牛柳有異味，未變壞， 但絕對唔新鮮而且乸到牛柳完全冇曬肉味，超難吃，成碟牛柳我哋只係食咗几块，大半碟冇人吃。
水煮魚：汤油底都算係調得几香，但啲魚就不敢恭維了，落 單前曾經問過waiter， 話魚肉係石斑， 但食落絕對唔係，反而似係凍肉舖賣十几蚊/pack嘅鲶魚块，全冇魚鮮味。
婆婆羊扒： 好騷同有啲韌，好彩我唔多怕騷，但朋友就吃唔到了。又係佳x凍肉舖貨色。
清炒番薯苗：成口渣，好老。
小炒王：用新鮮蝦同蝦乾一齊炒，鲜蝦都算爽口， 但蝦乾略嫌浸水太耐，冇晒咸鮮味，但大致尚算可以入口
最後係甜品任食-芝麻糊：吃了1啖，即停，完全無芝麻嘅香味， 絕對係用粉開成嘅糊仔。 不吃也罷
唯一值得讚嘅就係阿叔Waiter好熱情招呼。
埋單時同個後生嘅waiter講 佢哋嘅出品好有問題，特別係牛柳有異味，希望佢哋以後可以改善，點知佢話會同個供應商反應喎， 乜唔係由廚師處理啲食物嘅咩？ 廚師如發現啲食物唔新鮮，應該唔可以上枱， 呢啲係最基本要求啊。
一間社企做到咁樣， 絕對唔係良心社企， 以後一定唔會再幫襯。
102 瀏覽
0 讚好
0 留言
張貼
